"საეჭვო "ტოიოტა ქამრი" ბაჩალიაშვილის სახლთან, მის გაუჩინარებამდე მორიგეობდა" - რა ინფორმაცია მიაწოდეს პროგრამისტის ახლობლებმა პროკურატურას
თამარ ბაჩალიაშვილის ოჯახისა და მეზობლების ინფორმაციით, გოგონას გარდაცვალებამდე მათ სახლთან "საეჭვო ავტომობილი" შენიშნეს. როგორც ისინი ამბობენ, "ტოიოტა ქამრის" მარკის მანქანა მათი საცხოვრებელი ბინის ფანჯრებთან, გვიანობამდე მორიგეობდა.
"ვნახულობდი, რომ ის მანქანა იდგა. ყველა მანქანაში ვერ ვერკვევი, მაგრამ ჩემი ყურადღება იმან მიიქცია, რომ ქალბატონი იჯდა საჭესთან და "პლანშეტში" რაღაცას აწკაპუნებდა.
რაც ეს ამბავი მოხდა ეს მანქანაც გაქრა. ამან დაგვაეჭვა, რომ შეიძლება რამე კავშირში ყოფილიყო ჩვენს "ვაი ფაის" ქსელთან" - ამბობს თამარ ბაჩალიაშვილის დედა თეონა თამაზაშვილი "მთავარ არხთან" საუბარში.
მანქანის შესახებ პროკურატურას ინფორმაცია მიაწოდეს გარდაცვლილი პროგრამისტის მეზობლებმაც. ისინი ამბობენ, რომ "საეჭვო "ტოიოტა ქამრის" გოგონას სახლთან, მის გაუჩინარებმადე, ერთი თვის განმავლობაში ხედავდნენ.
"ბევრჯერ მყავს შემჩნეული შავი "ტოიოტა ქამრი". ჩემი თვალით მაქვს ნანახი, რომ იჯდნენ შიგნით, კომპიუტერები ეჭირათ, არ ვიცი თამაშობნენ, მუშაოდბენ თუ რას აკეთებდნენ" - ამბობს გარდაცვლილის მეზობელი "მთავარ არხთან" საუბრისას.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
"გიას უთქვამს ბიჭებისთვის, მიშველეთ, დამჭრაო" - ორხევში მომხდარ დანაშაულში ბრალდებულს სამართალდამცავები ჯერ კიდევ ეძებენ
"იმის გამო დაჭრეს, რომ ქათმები მეზობლის ბოსტანში გადავიდნენ და პომიდორი შეუჭამეს“ - მეზობლები ოზურგეთში მამაკაცის დაჭრის მიზეზზე საუბრობენ
