ვეტერანი გერმანელი ფეხბურთელი, მიხაელ ბალაკი სიმსივნეს ებრძვის
გერმანიის ეროვნული საფეხბურთო ნაკრების ყოფილი კაპიტანი მიხაელ ბალაკი სიმსივნეს ებრძვის. ამის შესახებ გერმანულ და ბრიტანულ მედიაში წერენ.
გერმანული გამოცემა Bild-ის ცნობით, ბალაკს პანდემიის დროს კარანტინის პირობებში მოულოდნელად ჯანმრთელობის პრობლემები შეექმნა. ექიმებმა მას ზურგის ტვინთან სიმსივნური წამონაზარდი აღმოუჩინეს.
43 წლის ბალაკს ჰანოვერის კლინიკაში ოპერაცია ჩაუტარდა და მას გამონაზარდი ამოაჭრეს.
მედიის ცნობით, ბალაკი ახლა თავს კარგად გრძნობს და რეაბილიტაციის პროცესს გადის.
ცნობისთვის, მიხაელ ბალაკი გერმანული ფეხბურთის ლეგენდად მიიჩნევა. ის გერმანიის ჩემპიონატის 4-გზის გამარჯვებულია, ასევე არის ინგლისის თასის სამგზის მფლობელი, ერთხელ მოიგო ინგლისის ლიგის თასი, ასევე ერთხელ გახდა ინგლისის ჩემპიონი. ბალაკი ჩემპიონთა ლიგის ორგზის ვერცხლის პრიზიორია. რაც შეეხება ინდივიდუალურ ტიტულებს, ბალაკი სამჯერ გახდა გერმანიის წლის საუკეთესო ფეხბურთელი, ერთხელ უეფას წლის საუკეთესო ნახევარმცველი, 2004 წელს კი ის ფიფამ ას საუკეთესო ფეხბურთელს შორის შეიყვანა.
ის თავდაპირველად თამაშობდა „ჰემნიცში“, საიდანაც „კაიზერსლაუტერნში“ გადავიდა, შემდეგ იყო "ბაიერნი" და "ჩელსი"
ბალაკი 2008 წლის დაქორწინდა სიმონე ლაბმეზე. წყვილს სამი შვილი ჰყავს.
რეჯეფ თაიფ ერდოღანი ადასტურებს, რომ თურქეთმა შავ ზღვაში ბუნებრივი აირის დიდი მარაგი აღმოაჩინა
ჩრდილოვანი მმართველობიდან მთავარ პოლიტიკურ სცენამდე - კიმ ჩენ ინმა თავის დას უფლებამოსილების ნაწილი გადასცა
