ლუკაშენკო მინსკის დამოუკიდებლობის სასახლეში ავტომატით შეიარაღებული მივიდა

ბელარუსის პრეზიდენტი ალექსანდრ ლუკაშენკო ავტომატით ხელში გამოჩნდა. ის მინსკის დამოუკიდებლობის სასახლეში მივიდა და აღნიშნულის ამსახველ ვიდეოში ჩანს, რომ ლუკაშენკო შეიარაღებულია.

<iframe width="560" height="315" src="https://www.youtube.com/embed/JPCne2-sjzQ" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

ცნობისთვის, ბელარუსის დედაქალაქ მინსკში მორიგი მასშტაბური საპროტესტო აქცია იმართება. გავრცელებული ინფორმაციით, აქცია არასანქცირებულია.

დემონსტრანტები თავდაპირველად მინსკის ცენტრში შეიკრიბნენ, შემდეგ კი მსვლელობა მთავრობის სახლის მიმართულებით მოაწყეს.

მთავრობის ადმინისტრაციის წინ მდებარე დამოუკიდებლობის მოედანი სავსეა მომიტინგეებით. ასევე, ოპოზიციის მხარდამჭერებმა დაიკავეს დამოუკიდებლობის გამზირის მიმდებარე ქუჩებიც.

• გაეცანით: ლუკაშენკოს სკანდალური პირადი ცხოვრება, ქონება და 26-წლიანი მმართველობის გზა - უცნობი ფაქტები "ევროპის უკანასკნელ დიქტატორზე"