წყალდიდობა ავღანეთში - გარდაცვლილი 100-მდე ადამიანი, დანგრეული სახლები და დაკარგულები (ფოტოები ტრაგედიის ადგილიდან)
ავღანეთის ჩრდილოეთ ნაწილში მდებარე ფარვანის პროვინციაში წყალდიდობას სულ მცირე 100 ადამიანის სიცოცხლე ემსხვერპლა, - ამის შესახებ ინფორმაციას BBC-ი ადგილობრივ ხელისუფლებაზე დაყრდნობით ავრცელებს.
მათივე ინფორმაციით, სტიქია ქალაქ ჩარიქარში დილით ადრე მოხდა, როდესაც მოსახლეობის უმეტესობას ეძინა.
ავღანეთის კატასტროფების მართვის სამინისტროს ცნობით, დანგრეულია 500-მდე სახლი, ათობით ადამიანი კი დაშავებულია.
ხელისუფლება აცხადებს, რომ მსხვერპლის რაოდენობა, სავარაუდოდ, გაიზრდება, ვინაიდან სამძებრო-სამაშველო ოპერაცია და ადამიანების ნანგრევებიდან გამოყვანა გრძელდება.
"შესაძლოა, ასობით გარდაცვლილი გვყავდეს,“- აღნიშნა ფარვინის პროვინციის გუბერნატორმა ფაზლუდინ აიარმა.
ავღანეთის ჩრდილოეთ და აღმოსავლეთ ნაწილებში ზაფხულის თვეებში ძლიერი წვიმა ხშირი მოვლენაა, რაც წყალდიდობებს იწვევს.
FBI-მ 12-წლიანი ძებნის შემდეგ, ყველაზე მოუხელთებელი დამნაშავე დააკავა - როგორ აღწევდა თავს პოლიციას კაცი, რომელმაც ქალიშვილები "ღირსების სახელით“ დახოცა
კონგრესის ყველაზე ახალგაზრდა წევრი ქალი, რომელიც წითელი ტუჩსაცხის გარეშე საჯაროდ არ ჩნდება - ვინ არის ალექსანდრია ოკასიო კორტესი?
