ავტორი:

ალექსეი ნავალნი "ნოვიჩოკით" მოწამლეს - რა ინფორმაციას ავრცელებს გერმანიის მთავრობა?

ალექსეი ნავალნი "ნოვიჩოკით" მოწამლეს - რა ინფორმაციას ავრცელებს გერმანიის მთავრობა?

გერმანიის მთავრობის განცხადებით, რუსი ოპოზიციონერი პოლიტიკოსი ალექსეი ნავალნი ნივთიერებით სახელად „ნოვიჩოკით“ მოწამლეს. ინფორმაციას BBC ავრცელებს.

მათივე ინფორმაციით, სამხედრო ლაბორატორიაში ჩატარებულმა ტოქსიკოლოგიურმა კვლევამ აჩვენა „ერთმნიშვნელოვანი მტკიცებულება“ „ნოვიჩოკის“ ნერვული აგენტების ჯგუფიდან.

გერმანიის მთავრობა გმობს თავდასხმას და რუსეთს სასწრაფო ახსნა-განმარტებისკენ მოუწოდებს.

„შემაშფოთებელია, რომ ალექსეი ნავალნი ქიმიური ნერვული აგენტის მსხვერპლი გახდა რუსეთში“, - ნათქვამია განცხადებაში.

აქვე აღნიშნულია, რომ გერმანიის კანცლერი ანგელა მერკელი მინისტრებს შემდგომი ნაბიჯების განსახილველად შეხვდა.

შეგახსენებთ, 20 აგვისტოს, როდესაც რუსი ოპოზიციონერი პოლიტიკოსი ალექსეი ნავალნი ქალაქ ტომსკიდან მოსკოვში ბრუნდებოდა, თვითმფრინავში ცუდად გახდა, ამიტომ თვითმფრინავი ქალაქ ომსკში იძულებით დაეშვა. მოგვიანებით, ნავალნი ომსკის საავადმყოფოდან ბერლინში სამკურნალოდ გადაიყვანეს.

"ნოვიჩოკი", რომლითაც ალექსეი ნავალნი მოწამლეს, საქართველოსა და აშშ-ში მდებარე ლაბორატორიებში მზადდება - რუსი დეპუტატი

ბერლინის კლინიკა ნავალნის ჯანმრთელობის მდგომარეობაზე ინფორმაციას ავრცელებს - რა კომენტარს აკეთებს ანგელა მერკელი?

ნეიმარს და "რეალის" მეკარეს კორონავირუსი დაუდასტურდათ