კორონავირუსის 158 ახალი შემთხვევიდან 21 ქუთაისში გამოვლინდა - მათგან 19 სკოლის კლასტერია

კორონავირუსის 158 ახალი შემთხვევიდან 21 ქუთაისში გამოვლინდა. მათგან, 19 სკოლის პირველადი კლასტერია, ორი შემთხვევა კი ქალაქში მოწყობილ კარავში გამოვლინდა.

დაავადებათა კონტროლის იმერეთის სამმართველოს ინფორმაციით, აღნიშნული ორი პირიც ირიბად 32-ე საჯარო სკოლას უკავშირდება და მეორად კონტაქტს წარმოადგენს.

ამ დროისთვის ე.წ. სკოლის კლასტერი 50-მდე გაიზარდა.