ინდოელ პოლიტიკოსს, რომელიც ამბობდა, რომ ტალახის აბაზანები კორონავირუსისგან იცავდა, ვირუსი დაუდასტურდა

ინდოელ პოლიტიკოსს, რომელიც ამბობდა, რომ ტალახის აბაზანები ადამიანს კორონავირუსისგან იცავს და იმუნიტეტს გამოუმუშავებს, COVID-19-ით დაინფიცირდა. ინფორმაციას ამის შესახებ "დეილი მეილი“ავრცელებს.

სუკბირ ჯაუნაპურია რაჯასტანის შტატის წარმომადგენელია ინდოეთის პარლამენტში და იმ 24 პოლიტიკოსს შორისაა, რომლებსაც ინდოეთის მედიის ინფორმაციით, 14 სექტემბერს კორონავირუსი დაუდასტურდათ.

ჯაუნაპურიამ ერთი თვით ადრე "ფეისბუქის“ გვერდზე გამოაქვეყნა ვიდეო, სადაც ჩანდა, თუ როგორ იჯდა ის შიშველი ტალახში და მთელი სხეული ტალახით ჰქონდა დაფარული..

"გადით გარეთ, იარეთ წვიმაში, იმუშავეთ ფერმაში, იჯექით ჭუჭყში, ადამიანი იმუნიტეტს ასე გამოიმუშავებს“, - ამბობდა ინდოელი პოლიტიკოსი.

<iframe width="560" height="315" src="https://www.youtube.com/embed/ufr9kTyggjA" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

ცნობისთვის, კორონავირუსით ინფიცირებულთა რაოდენობის თვალსაზრისით, ინდოეთი მსოფლიოს მეორე ქვეყანაა და ბოლო ინფორმაციით, იქ COVID-19-ის 5.1 მილიონი შემთხვევაა აღწერილი.