ავტორი:

აზერბაიჯანის პრეზიდენტის თანაშემწე აცხადებს, რომ არაღიარებული მთიანი ყარაბაღის "ლიდერი" მძიმედ დაჭრილია - ბოლო ცნობები საომარი ზონიდან

აზერბაიჯანის პრეზიდენტის თანაშემწე აცხადებს, რომ არაღიარებული მთიანი ყარაბაღის "ლიდერი" მძიმედ დაჭრილია - ბოლო ცნობები საომარი ზონიდან

არაღიარებული მთიანი ყარაბაღის რესპუბლიკის მიერ აზერბაიჯანის ქალაქ განჯას დაბომბვის შედეგად აზერბაიჯანის 1 მოქალაქე დაიღუპა, 4 კი დაშავდა. ამ ინფორმაციას აზერბაიჯანული მედია ავრცელებს.

მათი თქმით, დაბომბვის შედეგად ათობით სხვადასხვა შენობა დაზიანდა.

აზერბაიჯანის პრეზიდენტის ილჰამ ალიევის თანაშემწე ირწმუნება, რომ მთიანი ყარაბაღის არაღიარებული რესპუბლიკის ლიდერი არაიკ არუთუნიანი მძიმედ დაიჭრა. ამის შესახებ ინფორმაციას რუსული მედია ავრცელებს. სხვა დეტალები ამ ინფორმაციის შესახებ ჯერ არ გავრცელებულა. კომენტარი არ გაკეთებულა სომხეთის მხრიდან.

მათივე ცნობით, სომხურმა მხარემ ქალაქი სარაკეტო სისტემა „სმერჩის“ გამოყენებით დაბომბა, რის შედეგადაც განჯას უზარმაზარი ზიანი მიადგა.

იქამდე კი არაღიარებული მთიანი ყარაბაღის რესპუბლიკის ე.წ. პრეზიდენტის პრესმდივანმა ვაგრამ პოღოსიანმა განაცხადა, რომ აზერბაიჯანის ქალაქ განჯას სამხედრო აეროპორტი განადგურებულია. არაღიარებული მთიანი ყარაბაღის რესპუბლიკის ე.წ. პრეზიენტმა არაიკ ჰარუთუნიანმა კი აზერბაიჯანის მოქალაქეებს მოუწოდა დატოვონ ის ქალაქები, სადაც სამხედრო ობიექტებია განთავსებული.

სამჯერ შეთანხმების მიუხედავად, მთიან ყარაბაღში საბრძოლო მოქმედებები არ წყდება - რას ამბობენ მხარეები?

ჰუმანიტარული ზავის შემდეგ, აზერბაიჯანი და სომხეთი ერთმანეთს კვლავ ცეცხლის შეწყვეტის რეჟიმის დარღვევაში ადანაშაულებენ - რა ცნობებს ავრცელებენ მხარეები

"საქართველო უკვე ახლა უნდა შეუერთდეს ნატო-ს, უკრაინა ამისთვის ჯერ მზად არ არის" - რაზე საუბრობს ევროპაში აშშ-ის სახმელეთო ჯარების ყოფილი სარდლი?