"პალიტრა L" 15 წლისაა - როგორ ულოცავს გამომცემლობას იუბილეს ეროვნული ბიბლიოთეკის დირექტორი გიორგი კეკელიძე

გამომცემლობა "პალიტრა L" 15 წლისაა. ამ დროის განმავლობაში, იგი ქმნის ყველასათვის მაქსიმალურად ხელმისაწვდომ, მრავალფეროვან ლიტერატურას. 15 წლის მანძილზე გამომცემლობამ განახორციელა არაერთი მნიშვნელოვანი და მასშტაბური პროექტი, რომლებმაც შექმნა საქართველოში ლიტერატურული ისტორია.

15 წლის იუბილეს ულოცავს გამომცემლობას ეროვნული ბიბლიოთეკის დირექტორი, გიორგი კეკელიძე, რომელიც აღნიშნავს, რომ თვალს ადევნებს "პალიტრა L-ის" განვითარებას და არის მისი გულშემატკივარი.

"ვულოცავ გამომცემლობა "პალიტრა L-ს" 15 წლის იუბილეს, ვულოცავ მის ყველა თანამშრომელს, ავტორს, მთარგმნელს, რედაქტორს და რა თქმა უნდა, მკითხველს. ერთ-ერთი პირველი წიგნი სწორედ ჩემი და ჩემი მეგობრების თარგმნილი ზღაპრები იყო - "ჯადოსნური კარი". იმ დროიდან მოყოლებული, ცხადია, ვაკვირდები ამ გამომცემლობის განვითარებას, ფაზებს, რომლებსაც ის გადის და ვითარდება. ცხადია, ნებისმიერ გამომცემლობას, რომელიც ასეთი დიდი და მნიშვნელოვანია, აქვს შეცდომებიც, მაგრამ აქვს გაცილებით მეტი და დიდი გამარჯვება, მით უმეტეს, ბოლო პერიოდში, ეს გამომცემლობა ძალიან დაიხვეწა, ძალიან გემოვნებიანი გახდა, რასაც მივესალმები, ვარ სულ მისი გუმშემატკივარი და შესაბამისად, მისი ავტორიც", - გიორგი კეკელიძე.