"როგორც ჩანს, ტრაილერის მძღოლს ჩაეძინა და აზრზე რომ მოვიდა უკვე გვიან იყო" - რას ჰყვებიან უმძიმესი ავარიის თვითმხილველები
თვითმხილველების ინფორმაციით, თბილისი-სენაკი-ლესელიძის საავტომობილო მაგისტრალის გორის მონაკვეთზე ტრაილერი გაჩერებულ მიკროვტობუსს დაეჯახა.
მათი თქმით, სავარაუდოდ, ტრაილერის მძღოლს ჩაეძინა და ავარიაც ამან გამოიწვია.
"ალბათ ჩაძინებული იყო თურქი მძღოლი, სხვანაირად არ არსებობს აქ ავარია მოგივიდეს. ეტყობა, რომ მიკროავტობუსი გაჩერებული იყო. ჩაეძინა იმას და რომ მოვიდა აზრზე, უკვე გვიან იყო..." - ამბობს "მთავართან" ინტერვიუში თვითმხილველი.
ცნობისთვის, თბილისი-სენაკი-ლესელიძის საავტომობილო მაგისტრალის გორის მონაკვეთზე ავარია გვიან ღამით მოხდა. ავტოსაგზაო შემთხვევის შედეგად 6 ადამიანი გარდაიცვალა, 10-მა მგზავრმა კი სხეულის სხვადასხვა სიმძიმის დაზიანებები მიიღო. თბილისიდან დასავლეთ საქართველოსკენ მოძრავ მიკროავტობუსს ტრაილერი შეეჯახა.
დაშავებულები კლინიკა "გორმედში“ არიან მოთავსებულები. მათგან რამდენიმე პირის ჯანმრთელობის მდგომარეობა მძიმეა. შემთხვევის ადგილზე სამართალდამცავები მუშაობენ.
როგორც ცნობილი გახდა, გარდაცვლილებიც და დაშავებულებიც "ნაციონალური მოძრაობის" აქტივისტები არიან, რომლებიც გუშინდელი შეკრებიდან სამეგრელოში ბრუნდებოდნენ. კლინიკა "გორმედში" გუშინვე ჩავიდნენ პარტიის ლიდერები.
ავტოსაგზაო შემთხვევასთან დაკავშირებით გამოძიება საქართველოს სისხლის სამართლის კოდექსის 276-ე მუხლის მე-8 ნაწილით მიმდინარეობს.
"მიიღეთ მონაწილეობა არჩევნებში, რათა გამოვლინდეს უმრავლესობის ნება" - პატრიარქი მიმართვას ავრცელებს
"რემონტი სრულიად მარტომ გავაკეთე" - როგორ აქცია ორი შვილის დედამ ერთოთახიანი "ხრუშჩოვკა" ლამაზ აპარტამენტად
