ავტორი:

"ეს გოგო, მეორედ დაბადების მერე, კიდევ ერთხელ მოკვდა, როცა დის გარდაცვალება გაიგო და ისევ დაიბადა..." - რას წერს შატილის საზარელ ავარიას გადარჩენილ გოგონაზე ახლობელი

"ეს გოგო, მეორედ დაბადების მერე, კიდევ ერთხელ მოკვდა, როცა დის გარდაცვალება გაიგო და ისევ დაიბადა..." - რას წერს შატილის საზარელ ავარიას გადარჩენილ გოგონაზე ახლობელი

ჟურნალისტი მარი ჯაფარიძე "ფეისბუქის" პირად გვერდზე შატილის ავარიას სასწაულებრივად გადარჩენილი ხატია დევსურაშვილის ფოტოს აქვეყნებს და წერს:

"ეს გოგო? ეს გოგო მეორედ დაიბადა...

ეს გოგო მეორედ დაბადების მერე კიდევ ერთხელ მოკვდა, როცა დის გარდაცვალება გაიგო და ისევ დაიბადა და გააგრძელა ცხოვრება...

ეს გოგო დედას გადარჩენილი იმედია...

ეს გოგო დედის ლოცვამ, სხვა უამრავი ადამიანის ლოცვამ გადაარჩინა და შვილმკვდარი დედა უფრო მუქ ძაძებში არ გახვია... ეს ის გოგოა, ყველა ახლობელმა რომ გამოვიტირეთ პირველ დღეს, რადგან გვითხრეს, რომ გარდაიცვალა... და გავიხარეთ ძალიან მალე იმით, რომ სუნთქავდა... მერე რა, რომ კომაში იყო, მერე რა, რომ ძალიან მძიმედ იყო, მაინც გვიხაროდა და სულ ციცქნა იმედს ვებღაუჭებოდით, რომ გადარჩებოდა...ოღონდ ესუნთქა, ოღონდ აქ ყოფილიყო, ჩვენთან...

ეს ის გოგოა, რომელმაც გაუძლო ყველაფერს და სუნთქავს, დადის, იღიმის და კეთილი თვალები ძველებურად უციმციმებს... თუმცა... თუმცა ის დღე, ის საშინელი ტრაგედიის დღე მისმა ტვინმა დაბლოკა... არაფერი ახსოვს, სულ არაფერი... 23 აგვისტო, როცა შატილის ტურიდან მომავალი მიკროავტობუსი 80 მეტრი სიმაღლიდან გადაეშვა და უამრავი ადამიანი იმსხვერპლა, მათ შორის - მისი და, მედეაც, მთლიანად ამოშლილია მისი მეხსიერებიდან... ეს ის გოგოა, ძალიან იღბლიანი რომაა და გადარჩა... ეს ის გოგოა, ძალიან ბედნიერი რომ იქნება... ეს ხატიაა...

შეგახსენებთ, 23 აგვისტოს, ხევსურეთში, შატილის გზაზე, სოფელ ბისოსთან მიკროავტობუსი თითქმის 100 მეტრის სიმაღლიდან გადავარდა. შემთხვევის შედეგად, ტურისტული ტურის 20 მგზავრიდან 17 ადამიანი გარდაიცვალა, მათ შორის ხატიას და მედეაც. ტრაგედიას სასწაულებრივად გადაურჩნენ: ხატია დევსურაშვილი, თამარ არღვლიანი და ნატა თხელიძე.

"ჩემს მეხსიერებაში მარად ბავშვად დარჩება. სწორედ ამ ბავშვის სიკვდილი განვიცადე ასე მწარედ 2006 წლის 24 თებერვალს" - "მეფის" გარდაცვალებიდან 15 წელი გავიდა

როგორ დაემშვიდობა მაია ცქიტიშვილი სამინისტროს თანამშრომლებს

"დღეს უარესად ვარ, ვიდრე გუშინ... ძალიან მიჭირს საუბარი" - რას წერს კოვიდით ინფიცირებული თინა ხიდაშელი