"ვარ აბსოლუტურად მიკნავლებული...არ ვიცი აქციაზე ვიქნები, თუ არა" - გრიგოლ ვაშაძემ წამყვანებს სტუდიაში გამოუცხადა, რომ სიცხე აქვს
"ნაციონალური მოძრაობის" ლიდერის გრიგოლ ვაშაძის თქმით, ჯერ არ იცის იქნება თუ არა დღეს დაანონსებულ ოპოზიციის აქციაზე. როგორც მან "ტვ პირველის" სტუდიაში სტუმრობისას განაცხადა, სიცხე აქვს და აქციაზე წასვლაც მის მდგომარეობაზეა დამოკიდებული.
"სიცხე მაქვს, გავიკეთე ვაქცინა. ორთვიანი ჯაჯგური რომ არ ყოფილიყო ჩემი თქვენთან, სტუდიაში მოსვლაზე, პატიოსან სიტყვას გაძლევთ არ მოვიდოდი, რადგან ვარ აბსოლუტურად მიკნავლებული. აქციას რაც შეეხება, თუ სიცხე არ მექნება, ვიქნები" - აღნიშნა ვაშაძემ.
ცნობისთვის, რუსთაველის გამზირზე ოპოზიცია დღეს საპროტესტო აქციას გამართავს. აქციაზე ოპოზიცია ცესკოს მიერ გამოცხადებულ 2020 წლის საპარლამენტო არჩევნების შედეგებს გააპროტესტებს.
საპროტესტო აქცია საქართველოს პარლამენტის შენობის წინ 15:00 საათზე დაიწყება.
აქციას სხვადასხვა ოპოზიციური პოლიტიკური პარტიების წარმომადგენლები შეუერთდებიან.
"თავი თუ არ გაქვს, იბრძოლო იმის წინააღმდეგ, რაც არ მიგაჩნია სწორად, აბა პოლიტიკური ბრძოლა რა არის?" - ბარამიძე ვაშაძის წასვლაზე
LIVE - ეთერშია გადაცემა "360 გრადუსი"
