"სამწუხაროა, რომ ჩვენი ოცნება ვერ ავისრულეთ..." - რას წერს გურამ კაშია "ინსტაგრამზე"

საქართველოს ნაკრების მცველი გურამ კაშია "ინსტაგრამზე" პოსტს აქვეყნებს, სადაც ყოფილი მწვრთნელის ვლადიმერ ვაისის ნაკრებიდან წასვლასა და ბოლოდოინდელ მატჩებზე წერს:

"მადლობა ერთად გატარებული ბოლო 5 წლისთვის, მადლობა ჩემს მიმართ გამოვლენილი ნდობისთვის და მხარდაჭერისთვის. ეს ჩემთვის ბევრს ნიშნავს. სამწუხაროა, რომ ჩვენი ოცნება ვერ ავისრულეთ.

ამაზე მეც ვგრძნობ და ვიღებ პასუხისმგებლობას. თუმცა, გვქონდა შესანიშნავი მომენტებიც, რომლებიც მე სამუდამოდ დამრჩება მეხსიერებაში. კიდევ ერთხელ გიხდით მადლობას და გისურვებთ წარმატებებს!" - წერს გურამ კაშია.

ცნობისთვის, ბოლო ერთ კვირაში საქართველოს ფეხბურთის ეროვნულმა ნაკრებმა სამი მატჩი გამართა - ჩრდილოეთ მაკედონიასთან, სომხეთთან და ესტონეთთან. ეროვნული ნაკრები ჩრდილოეთ მაკედონიასთან ანგარიშით 0:1 დამარცხდა. სწორედ ამ მატჩის შემდეგ დატოვა პოსტი მთავარმა მწვრთნელმა ვლადიმერ ვაისმა. შემდეგ იყო სომხეთთან გამართული მატჩი, რომელიც ასევე ქართველების მარცხით დასრულდა (1:2), ხოლო ესტონეთთან დაპირისპირება 0:0 დამთავრდა.