კობა დავითაშვილი მართვით სუნთქვაზე იმყოფება - "მძიმეა მისი მდგომარეობა, აქვს სეფსისი და სეპტიკური შოკი"

გუშინ, კობა დავითაშვილი ალადაშვილის კლინიკაში მოათავსეს. პოლიტიკოსის მდგომარეობა დამძიმდა და ამჟამად უკვე მართვით სუნთქვაზეა გადაყვანილი. წლებია, რაც ცნობილი პოლიტიკოსი, ბეხტერევის დაავადებას ებრძვის, რომლის დიაგნოზი 2017 წლის ივლისში დაუსვეს, მაშინ, როცა სიმპტომებმა თავი იჩინა.

დავითაშვილი დარწმუნებული იყო, რომ ის იმ ძლიერი ტრავმების შედეგად განუვითარდა, რაც 2007 წლის 7 ნოემბერს მიაყენეს, როცა მიტინგის დროს სპეცრაზმელები თავს დაესხნენ, სასტიკად სცემდა სიკვდილის პირამდე მიიყვანეს.

მიუხედავად იმისა, რომ ბეხტერევის დაავადება ქრონიკულია და პროგრესირებს, ამჟამად პოლიტიკოსი კლინიკაში თირკმლის უკმარისობის დიაგნოზითაა გადაყვანილი.

პოლიტიკოსის მდგომარეობის შესახებ AMBEBI.GE ხათუნა ბიწაძეს (კობა დავითაშვილის მეუღლის და) ესაუბრა, რომელმაც მცირე კომენტარი გააკეთა:

"მართვით სუნთქვაზეა, მძიმე მდგომარეობა აქვს. თირკმლის უკმარისობით შევიყვანეთ ალადაშვილის კლინიკაში და ახლა აქვს სეპტიკური შოკი. ბოლო პერიოდში ძალიან სუსტად გრძნობდა თავს...".

ლევან ბესელია (გადაუდებელი დახმარების დეპარტამენტის და რეანიმაციის დეპარტამენტის ხელმძღვანელი): "მძიმეა მისი მდგომარეობა, აქვს სეფსისი და სეპტიკური შოკი, იმყოფება მართვით სუნთქვაზე, მძიმეა ზოგადად მდგომარეობა.