ავტორი:

"გადაჭედილი" ტრანსპორტი დღის ბოლოს - "ღია კარებით დადიან და შიგნით ჭყლეტაა"

"გადაჭედილი" ტრანსპორტი დღის ბოლოს - "ღია კარებით დადიან და შიგნით ჭყლეტაა"

ხვალიდან ქვეყანაში შეზღუდვები ამოქმედდება. კერძოდ, ქვეყანაში არსებული ყველა მაღაზია იკეტება, გარდა სურსათის მაღაზიებისა. ასევე ღია იქნება ყველა აფთიაქი და მაღაზიები, სადაც ცხოველებისა და ფრინველების საკვები იყიდება. პანდემიის გამო დაწესებული შეზღუდვები "შავი პარასკევის“ ფარგლებში დაანონსებულ ფასდაკლებებს დაემთხვა. გუშინ გამოცხადებული გადაწყვეტილების შემდეგ, მოსახლეობას ერთი დღე დარჩა, რათა სასურველი ნივთები ფასდაკლებით შეეძინა. აღნიშნულის გამო მთელი დღის განმავლობაში დედაქალაქი თითქმის პარალიზებული იყო. თბილისის ყველა უბანში კილომეტრიანი საცობები იყო.

რაც შეეხება მაღაზიებს და მოლებს - უსასრულო რიგები იყო ტანსაცმლის, ტექნიკის, სამშენებლო მასალების მაღაზიებთან. ადამიანები იდგნენ ასევე ნერგების, შპალერის, ავეჯის მაღაზიებთან რიგებში.

დღის ბოლოს განსაკუთრებით მძიმე მდგომარეობაა მუნიციპალურ ტრანსპორტში. ავტობუსები და მიკროავტობუსები "გადაჭედილია". ფაქტის ამსახველი ფოტოები კვლავ სოციალურ ქსელში ვრცელდება.

"დაუჯერებელი ამბავი ხდება ტრანსპორტში. ღია კარებით დადიან და შიგნით ჭყლეტაა" - წერს გიორგი ხუხია და ფოტოებსაც აქვეყნებს.

"ზურა, დღეს განსაკუთრებული დაბადების დღე გაქვს! დედაც გვერდში გყავს და მამაც!" - გოგლა ჟვანიას ემოციური პოსტი

"5 დღის წინ მოგვამაგრეს ოჯახის ექიმი, რომელმაც პირველ დღეს დარეკა და მას მერე ვეძებთ" - რას წერს ლევან სუხიტაშვილი ინფიცირებული დედის მკურნალობის თაობაზე

"რესპუბლიკა გაქვს მაშინ ... ბანანის!" - ექიმმა ზურაბ გურულმა საქართველოში არსებულ ვითარებას ლექსი მიუძღვნა