ყაზბეგის გამზირზე "ავერსის" ფილიალთან სამართალდამცველები არიან მობილიზებული - "არასრულწლოვნები ფსიქოტროპულ მედიკამენტებს ითხოვდნენ"
თბილისში, ყაზბეგის გამზირზე "ავერსის" ფილიალთან სამართალდამცველები არიან მობილიზებული.
როგორც "ინტერპრესნიუსს" "ავერსის" პრესსამსახურში განუცხადეს, აფთიაქში ორი არასრულწლოვანი შევიდა, რომლებიც ფსიქოტროპული დანიშნულების მედიკამენტს ითხოვდნენ, რაც წარმოადგენს რეცეპტით გასაცემ პრეპარატს. მას შემდეგ კი, რაც არასრულწლოვნებმა ფარმაცევტისგან უარი მიიღეს, მას სათამაშო "ფისტოლეტით" დაემუქრნენ.
"ორი არასრულწლოვანი შევიდა, რომელსაც უნდოდა ფსიქოტროპული მედიკამენტი, ფარმაცევტმა მოითხოვა რეცეპტი არ ჰქონდათ რეცეპტი, ვერ მოგცემთო უთხრეს, ამოუღიათ ბავშვებს სათამაშო "ფისტოლეტი", ფარმაცევტებმა გამოიძახეს დაცვის პოლიცია. არანაირი შეიარაღებული თავდასხმა არ მომხდარა" , - აცხადებენ "ავერსში" .
"ინტერპრესნიუსი" შსს-საც დაუკავშირდა, უწყებაში განაცხადეს, რომ მომხდარის დეტალებს არკვევენ.
"ჩემს ბინაში ყოფნის უფლება არ გაქვთ, მიბრძანდით" - ზურაბ ჯაფარიძე პოლიციას
აჭარის პოლიციის დეპარტამენტის უფროსი - “რეფორმერი ფიტნესმა” რეგულაციების მიუხედავად მუშაობა არ შეწყვიტა და დაწყებულია გამოძიება"
