"ყოველ დილით სკოლაში ფეხით მიდის და გაკვეთილს ატარებს საკლასო ოთახიდან, რომ ბავშვებს კლასის განცდა შეუქმნას" - რას წერს ჟურნალისტი

ჟურნალისტი თეონა ცხომელიძე "ფეისბუქის" პირად გვერდზე საკუთარი შვილის პედაგოგის შესახებ წერს და მას საჯარო მადლობას უხდის:

"ჩემს შვილს ყოველ დილით 9 საათზე აქვს ონლაინ გაკვეთილი. ყოველ დილით 9 საათზე, როცა ყველა ბავშვი სახლიდან შედის ზუმში, მასწავლებელი კლასშია. სკოლაში მიდის, ხალხო, ყოველ დილით ფეხით, თუ არ ვცდები, ვერიდან ვაჟა-ფშაველას ძეგლთან და გაკვეთილს ატარებს საკლასო ოთახიდან, დავალებებსაც დაფაზე წერს. მარტო იმიტომ, რომ ბავშვებს კლასის განცდა შეუქმნას, გამოსახულების ფონზე რომ კლასი იყოს ამის გამო! ვერ ვიჯერებ... ვერიკო კალანდარიშვილო, საჯარო მადლობა".