კანადაში კორონავირუსის წინააღმდეგ Moderna-ს ვაქცინის გამოყენების ნებართვა გასცეს
კანადაში კორონავირუსის წინააღმდეგ „მოდერნას“ ვაქცინის გამოყენების ნებართვა გასცეს. Reuters-ის ინფორმაციით, წლის ბოლომდე ქვეყანაში ვაქცინის 168 000 დოზა ჩავა, 2021 წლის იანვრამდე კი ქვეყანა Pfizer-ისა და Moderna-ს ვაქცინის 1.2 მილიონ დოზას მიიღებს.
მარტისთვის კი კანადაში კორონავირუსის ვაქცინით 6 მილიონამდე ადამიანი აიცრება.
„როგორი ბნელიც არ უნდა იყოს ზამთარი, გაზაფხული მოდის და წინ უკეთესი დღეები გველოდება“, - განაცხადა კანადის პრემიერ-მინისტრმა ჯასტინ ტრუდომ.
პანდემიის დაწყებიდან დღემდე კანადაში კორონავირუსის 521 509 შემთხვევა დაფიქსირდა. ვირუსს 14 425 ადამიანი ემსხვერპლა.
ცნობისთვის, მსოფლიოში კორონავირუსით დაინფიცირებულების საერთო რაოდენობამ 79 მილიონს გადააჭარბა.
Worldometers-ის ინფორმაციით, მსოფლიოში პანდემიის დაწყების დროიდან კოვიდ - 19-ით 1 737 629 პაციენტი გარდაიცვალა, ხოლო გამოჯანმრთელდა 55 მილიონზე მეტი ადამიანი. ამ დროისთვის მსოფლიოში 21 668 104 აქტიური შემთხვევა ფიქსირდება. კორონავირუსით დაინფიცირებულების რაოდენობით აშშ ლიდერობს, მეორე ადგილს ინდოეთი იკავებს, მესამეს - ბრაზილია, მეოთხეს - რუსეთი, მეხუთეზე კი - საფრანგეთია.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.
"პრეზიდენტმა ერდოღანმა ვლადიმირ პუტინს შესთავაზა, "ექვსეულში" საქართველოც ყოფილიყო წარმოდგენილი" - რას წერს თურქული გამოცემა
დონალდ ტრამპის მხარდამჭერები გეგმავენ, 20 იანვარს, ჯო ბაიდენის ინაუგურაციის პარალელურად, ტრამპის ონლაინ ინაუგურაცია გამართონ
