ახალი წლის ღამეს, ბინაში შევარდნილი ბრმა ტყვიით სიკვდილს ადამიანი შემთხვევით გადაურჩა - რას აცხადებენ შსს-ში?

ახალი წლის ღამეს, ვაკეში, ბრმა ტყვიით სიკვდილს ადამიანი შემთხვევით გადაურჩა. შემთხვევა 1-ლი იანვრის ღამეს, თაყაიშვილის ქუჩაზე მოხდა. ერთ-ერთ საცხოვრებელი კორპუსის ბინაში ტყვია შევარდა. ამის თაობაზე ინფორმაცია და ფოტომასალა პირველად გაავრცელა "ფეისბუქგვერდმა" "ჩემი ქალაქი კლავს".

ბრმა ტყვიით არავინ დაშავებულა, დააზიანდა მხოლოდ ნივთები. მომხდარს შსს-ში ადასტურებენ. უწყებაში აცხადებენ, რომ გამოძიება ორი მუხლით მიმდინარეობს - იარაღის მართლსაწინააღმდეგო შენახვა-ტარება და სხვისი ნივთის დაზიანება. მომხდარის დეტალები ამ ეტაპზე ჩვენთვის უცნობია.