ავტორი:

რომელი ვაქცინაა საქართველოსთვის იდეალური - "ის ინახება მაცივარში ჩვეულებრივ ტემპერატურაზე..."

რომელი ვაქცინაა საქართველოსთვის იდეალური - "ის ინახება მაცივარში ჩვეულებრივ ტემპერატურაზე..."

საქართველოსთვის ოპტიმალური და იდეალური "ასტრაზენეკას" ვაქცინაა, ამიტომ ძირითადი ძალისხმევა “ასტრაზენეკას“ ვაქცინის შემოტანაზეა მიმართული, - ამის შესახებ ჟურნალისტებს ინფექციური პათოლოგიისა და შიდსის ცენტრის გენერალურმა დირექტორმა თენგიზ ცერცვაძემ განუცხადა.

მისივე ინფორმაციით, საქართველოში დაახლოებით ერთ თვეში “ფაიზერის“ ვაქცინა შემოვა მცირე რაოდენობით, რაც არის რამდენიმე ათეული ათასი დოზა.

"დღევანდელი მდგომარეობა, არის შემდეგი - მოლაპარაკება მიმდინარეობს ყველა იმ მწარმოებელთან და ქვეყანასთან, ვის ვაქცინასაც მიღებული აქვს რომელიმე ავტორიტეტული ქვეყნის მარეგულირებლის პრეკვალიფიკაცია ან კიდევ უკეთესი - ჯანმოს პრეკვალიფიკაცია. ჯერ-ჯერობით ასეთი ვაქცინა არის სამი: "ფაიზერი", "მოდერნა" და "ასტრაზენეკა". სხვა ყველა ვაქცინა რიგშია და არ ნიშნავს, რომ ისინი ცუდია. ისინი ასპარეზზე გვიან გამოვიდნენ და ელოდებიან რიგს, როცა ამ რეკომენდაციას მიიღებენ.

საქართველოში დაახლოებით ალბათ ერთ თვეში “ფაიზერის“ ვაქცინა შემოვა, მცირე რაოდენობით. შემოვა რამდენიმე ათეული ათასი დოზა. ეს იმიტომ, რომ "ფაიზერის" ვაქცინა ბაზარზე ძალიან ცოტაა და მისი შოვნა ძნელია. გარდა ამისა, მას შენახვის განსაკუთრებული პირობები სჭირდება. საქართველოს ასეთი პირობების შექმნა რამდენიმე ათეული ათასი - 100-200 ათასი ვაქცინისთვის შეუძლია. მილიონი ვაქცინა რომც შემოგვთავაზონ, ლოჯისტიკა შეუძლებელი იქნება. მინუსს 80 გრადუსიანი მაცივრები ჯანდაცვის სისტემას მხოლოდ სამ ქალაქში აქვს. ამიტომ იგეგმება, რომ თავიდან “ფაიზერის“ მცირე პარტია შემოვიდეს და ვაქცინაცია ჩაუტარდეთ მხოლოდ მედიცინის მუშაკებსა და მაღალი რისკის ჯგუფებს, გარკვეული ასაკის ზემოთ“, - განაცხადა თენგიზ ცერცვაძემ.

ინფექციური ცენტრის ხელმძღვანელის თქმით, ამის შემდეგ, დაახლოებით მარტისთვის, საქართველოში ვაქცინის ძირითადი რაოდენობა შემოვა.

"ჯერ გადაწყვეტილი არ არის რომელი იქნება. ჩვენი სურვილია, “ასტრაზენეკა“ და ოქსფორდის უნივერსიტეტის მიერ წარმოებული ვაქცინა, რადგან ჩემი ინფორმაციით, ეს ვაქცინა არის ყველაზე უკეთესი ხარისხის ვაქცინა და თავისუფალია იმ უხერხულობისგან, რაც “ფაიზერსა“ და “მოდერნას“ ახასიათებს ანუ მას არ სჭირდება არც მინუს 80 და არც მინუსს 20. ის ინახება მაცივარში ჩვეულებრივ ტემპერატურაზე. “ასტრაზენეკას“ ვაქცინა საქართველოსთვის არის ოპტიმალური და იდეალური. ამიტომ ძირითადი ძალისხმევა “ასტრაზენეკას“ ვაქცინის შემოტანაზე მიდის“, - განაცხადა თენგიზ ცერცვაძემ.

"ელიავას ხიდის ქვეშ დაბუდებული ხალხი რატომ არ მიდიან თავის სოფლებში?! როგორ შეიძლება, მთელი საქართველო თბილისში იყოს?" - ქეთი დოლიძე

"სიგნალი მაქვს პედიატრებისგან, რომ "კავასაკის სინდრომის" მსგავს სიმპტომთა კომპლექსი რამდენიმე ავადმყოფში ნახეს" - ცერცვაძე

ვინ არის რუსეთში მოღვაწე მილიონერი გიორგი ჭუმბურიძე, რომელსაც მალტამ "ოქროს პასპორტი" მისცა