ძლიერი მიწისძვრა ინდონეზიაში - 42 გარდაცვლილი და 800-ზე მეტი დაშავებული

ინდონეზიაში, სულავესის კუნძულზე მომხდარი 6.2 მაგნიტუდის სიმძლავრის მიწისძვრის შედეგად სულ მცირე 42 ადამიანია დაღუპული, დაშავებულთა რაოდენობა კი 800-ს აჭარბებს, - ამის შესახებ ინფორმაციას Reuters-ი ავრცელებს.

სააგენტოს ცნობით, ყველაზე მეტი მსხვერპლი ქალაქ მამუჯუშია. მამუჯუსა და მეზობელ მაჯენეს რაიონში დაინგრა და დაზიანდა სახლები, გზები, ხიდები, ელექტრონული საკომუნიკაციო ქსელები.

15 000-მდე ადამიანი იძულებული გახდა, საცხოვრებელი სახლი დაეტოვებინა და უსაფრთხო ადგილისთვის შეეფარებინა თავი.

სამაშველო სამუშაოები გრძელდება. ადგილობრივ ხელისუფლებაში არ გამორიცხავენ, რომ მსხვერპლის რაოდენობა კიდევ უფრო გაიზარდოს.