ავტორი:

ისრაელში "კოვიდ 19"-ის ვაქცინით აცრილთა მხოლოდ 0,04% დაინფიცირდა ვირუსით - ვაქცინის ეფექტიანობის პირველი მონაცემები

ისრაელში "კოვიდ 19"-ის ვაქცინით აცრილთა მხოლოდ 0,04% დაინფიცირდა ვირუსით - ვაქცინის ეფექტიანობის პირველი მონაცემები

ისრაელში კორონავირუსის საწინააღმდეგო ვაქცინით ამ დროისთვის მოსახლეობის 51%-ზე მეტია აცრილი და უკვე შესაძლებელია გარკვეული დასკვნების გაკეთება. როგორც "გარდიანი" წერს, ისრაელში ჩატარებული კვლევა იძლევა ოპტიმისტური განწყობის შექმნის საშუალებას, რომ ვაქცინა ეფექტიანია და მისი საშუალებით საბოლოოდ მოხერხდება პანდემიის დამარცხება.

ისრაელის ჯანდაცვის სამინისტრომ გამოაქვეყნა პირველი ოფიციალური მონაცემები, სადაც ნაჩვენებია, რომ 715 425 აცრილი ადამიანიდან მხოლოდ 317 დაინფიცირდა კორონავირუსით, ანუ მათი 0,04%. ასევე ამ 0,04%-დან ჰოსპიტალიზება დასჭირდა მხოლოდ 16 ადამიანს, 0,02%-ს.

აღსანიშნავია, რომ კვლევაში ჩართულ 715 425 მოქალაქეს ვაქცინის ორივე დოზა მიღებული ჰქონდა.

ასევე, ისრაელის ჯანდაცვის სისტემის წარმომადგენლების შეფასებით, ამ ეტაპზე ნათელი გახდა ისიც, რომ კორონავირუსის საწინააღმდეგო ვაქცინა თავიდან არიდებს ყველაზე მოწყვლად ჯგუფებს სერიოზულ გართულებებს და 60 წელს გადაცილებულ ვაქცინირებულ ადამიანებში ჰოსპიტალიზების საჭიროება მკვეთრადაა შემცირებული.

კერძო ჯანდაცვისა და სადაზღვევო ჯგუფის, Maccabi-ს ცნობით, ვაქცინაციის დაწყებიდან ძალიან მცირე პერიოდში, დაახლოებით, სამ კვირაში ჰოსპიტალიზაციის საჭიროება მცირდება. მათივე ინფორმაციით, ჰოსპიტალიზაციის საჭიროება მკვეთრად დაეცა ვაქცინაციის დაწყებიდან მე-18 დღეს.

Maccabi-ს კვლევის მიხედვით, 50 777 ვაქცინირებულ ადამიანზე დაკვირვებამ აჩვენა, რომ ვაქცინის პირველი დოზის მიღებიდან 23-ე დღეს, ანუ მეორე დოზის მიღებიდან 2 დღის შემდეგ, 60 წელს გადაცილებულ ადამიანებში ჰოსპიტალიზაციის მაჩვენებელი 60%-ით იყო შემცირებული.

"იმდენად შოკირებული ვიყავი, რომ გოგონა ავიყვანე და  ფეხშიშველი გავიქეცი" - რას ყვება ქალი თელ-ავივიდან

როგორ იწყებოდა ისრაელსა და პალესტინელებს შორის კონფლიქტი ათწლეულების წინ - ისტორიული რაკურსი და მოუგვარებელი დაპირისპირების დეტალები

"ბუნკერებს შევაფარეთ თავი, გვეგონა, როცა იქიდან ამოვიდოდით, აღარაფერი დაგვხვდებოდა..." - რა ხდება ისრაელში უმძიმესი ღამის შემდეგ