"ითხოვე და მიიღე" - ნიკა მელიამ იაგო ხვიჩიას სათამაშო პისტოლეტი აჩუქა

"გირჩის" ლიდერს, იაგო ხვიჩიას, რამდენიმე დღის წინ გაკეთებული სკანდალური განცხადების შემდეგ, "ნაციონალური მოძრაობის" ლიდერმა ნიკა მელიამ ინგა გრიგოლიას გადაცემის პირდაპირ ეთერში სათამაშო პისტოლეტი აჩუქა.

"მომეჩვენა, რომ ნიკა მელია მემუქრებოდა. ნიკა მელია ჩემზე დიდია ფიზიკურად, ჩემზე მორევა შეუძლია - მე პარლამენტის წევრი ვარ, მაქვს იარაღის ტარების უფლება და თუ ეს მართლა მუქარაა და მემუქრება ბატონი მელია და დაადასტურებს, უნდა მივმართო საქართველოს პარლამენტს, რომ იარაღის ტარების ნებართვა მქონდეს", - ამის შესახებ იაგო ხვიჩიამ ტელეკომპანია "პირველის" ეთერში რამდენიმე დღის წინ განაცხადა.

• "ნიკა მელიამ დამირეკა, ცუდი საუბარი გვქონდა, მომეჩვენა, რომ მემუქრებოდა, ჩემზე დიდია ფიზიკურად, მორევა შეუძლია - უნდა მივმართო პარლამენტს, რომ იარაღის ტარების ნებართვა მქონდეს" - იაგო ხვიჩია
• "რომ არ გამლახოს ვინმემ, მჭირდება თავდაცვის საშუალება" - რა შემთხვევაში შეძლებს იაგო ხვიჩია იარაღის ტარებას?