"რადგან მაღალი გაქვთ ხელფასი, ყველაფრის კადრების უფლება კი არ გაქვთ? კობახიძე უფრო დასაფასებელია, ვიდრე თქვენ" - მელია იმნაიშვილს
"ღამის კურიერში" "ნაციონალური მოძრაობის" თავმჯდომარეს ნიკა მელიასა და წამყვანს ირაკლი იმნაიშვილს შორის სიტყვიერი დაპირისპირება მოხდა, რის შემდეგად მელიამ სტუდია დატოვა.
"ნაციონალური მოძრაობის" თავმჯდომარემ უკმაყოფილება გამოიწვია შეკითხვამ, რომელიც 2005 წელს მომხდარ ფაქტს უკავშირდებოდა. კერძოდ, იმნაიშვილმა გაიხსენა რა მეთოდებს იყენებდნენ "ნაციონალები" დაკავებულების მიმართ.
"რაზე მალაპარაკებ. ამას არ შეგარჩენთ. როდესაც წარსულზე საუბრობთ, იქვე უნდა თქვათ, რა სახელმწიფო იყო. მახსოვს 2003 წლამდე საქართველო. ქურთუკებს რომ ხდიდნენ მოქლაქეებს და გარეთ ვერ გადიოდით და ეს ყველაფერი შეიცვალა.
თქვენ მელაპარაკებით 2005 წლის დარღვევებზე და 2002 წელს რა ხდებოდა? რატომ არ ამბობთ. არ გამოგივათ ახლა "ქართული ოცნების" საქმის კეთება. რეალურად, თქვენ "ქართული ოცნების" საქმეს აკეთებთ პირმომციმარი.
მე თქვენთან ყოფნისას დავკარგე დრო, ვის აინტერესებს 2005 წლის ამბები, 2021 წელში ვართ. მგონია, რომ რაღაც დავალება შეასრულეთ. არაპროფესიონალურად იქცევით. რადგან მაღალი გაქვთ ხელფასი იქ, სადაც გაქვთ, ყველაფრის კადრების უფლება კი არ გაქვთ? რომ არ გქონდეთ მაღალი ხელფასი და არ გეშინოდეთ მატერიალური კეთილდღეობის, ასე არ ისაუბრებდით. ძალიან ცუდი ეთერი გქონდათ. თქვენ რომ არ გქონდეთ ის ცხოვრება, რომელიც გაქვთ, ასე გადაცემას არ წაიყვანდით. რაღა შალვა რამიშვილი და რაღა თქვენ. კობახიძე ირაკლი უფრო დასაფასებელია, ვიდრე თქვენ" - მიმართა მელიამ იმნაიშვილს.
"რუსთავი 2"-ზე დავით კიკალიშვილი ბრუნდება - რა სიახლეები გელოდებათ ახალი სეზონიდან და როგორ აღნიშნა არხმა 27 წლის იუბილე?
"ტიკარაძის მეორე დოზით ვაქცინაციის საკითხი გადაიხედება" - რას ამბობს თამარ გაბუნია ჯანდაცვის მინისტრის დაინფიცირების შემდეგ?
