"ბორჯღალოსნების" საოცარი ჟესტი რუსებთან შერკინებამდე რამდენი საათით ადრე - ფოტო სტადიონიდან

ხვალ, 7 თებერვალს, "მიხეილ მესხის" სტადიონზე "ბორჯღალოსნები" რუსეთის მორაგბეთა ნაკრებს, "დათვებს" დაუპირისპირდებიან. შეხვედრა 15:00 საათზე დაიწყება და მას გულშემატკივარი ვერ დაესწრება.

sportall.ge-ს ინფორმაციით, იმის გათვალისწინებით, რომ მწვრთნელები აქცენტს 2023 წლის მსოფლიო თასზე აკეთებენ, ორივე გუნდის შემადგენლობაში მრავლად არიან ახალგაზრდა მორაგბეები.

"ბორჯღალოსნების" მთავარი მწვრთნელი ლევან მაისაშვილი ამბობს, რომ გუნდი ამ თამაშს კარგად მომზადებული ხვდება:

"ნაყოფიერი კვირა გვქონდა და ვთვლი, რომ კარგად მოვემზადეთ. გუშინ ბიჭებს დასვენების დღე ჰქონდათ, რაც ძალების აღედგენაში დაგვეხმარა. ველოდებით დინამიურ თამაშს და ვეცდებით შემტევი რაგბი ვაჩვენოთ, მაქსიმალურად გამოვიყენოთ ის უპირატესობები, რაც მეტოქესთან გაგვაჩნია. როგორი იქნება თამაშის სურათი, ჩვენზეა დამოკიდებული. საჭიროა, რომ მოვიგოთ ორთაბრძოლები, ვაკონტროლოთ შეჯგუფებები და ამის შემდეგ ხელდახელ თამაშის შესაძლებლობაც გვექნება" - ამბობს მაისაშვილი.

თამაშამდე რამდენიმე საათით ადრე ქართული რაგბის ოფიციალურ გვერდზე ფოტო გამოქვეყნდა, რომელზეც "ბორჯღალოსნების" საოცარი ჟესტია გადმოცემული. რუსეთთან შერკინებამდე რამდენიმე საათით ადრე მათ სტადიონზე საქართველოს რუკის მონახაზი გააკეთეს და იქ განლაგდნენ.