ავტორი:

"ლიტერე ინვენტე" - თანამედროვე ლიტერატურული შედევრები ქართველი მკითხველისთვის

"ლიტერე ინვენტე" - თანამედროვე ლიტერატურული შედევრები ქართველი მკითხველისთვის

თანამედროვე მსოფლიო ლიტერატურის ერთგვარ რჩეულად შეიძლება შეფასდეს გამომცემლობა პალიტრა L-ის პროექტი "ლიტერე ინვენტე" - ლიტერატურული აღმოჩენების ადგილი. სერიის ფარგლებში უკვე 16 წიგნია გამოცემული. ამ წიგნების ავტორთა ნაწილს კარგად იცნობს ქართველი მკითხველი, დიდი ნაწილი კი ჯერჯერობით უცნობია, თუმცა უკვე მოპოვებული აქვს ყველაზე ავტორიტეტული ლიტერატურული კონკურსების პრემიები და მკითხველთა სიმპათია ათობით ქვეყანაში. ეს წიგნები შეიძლება უკვე ჩაითვალოსთანამედროვე კლასიკად, რომელიც ზოგადსაკაცობრიო თემებსაც გვაზიარებს და საკუთარ თავსაც გვაპოვნინებს. როგორც გამომცემლობაში ამბობენ, ეს პროექტი ზედმიწევნით ზუსტად ეხმიანება გამომცემლობის პრინციპს - ქართველ მკითხველს ხელი მიუწვდებოდეს მსოფლიო ლიტერატურის საუკეთესო ნაწილზე.

"ლიტერე ინვენტე" თანამედროვე ლიტერატურის გიდობას გიწევთ - აქ იპოვით სხვადასხვა ჟანრისა და ეროვნების მწერლების იმ გამოცემებს, რომლებიც პირველად ითარგმნება ქართულ ენაზე და იქცევს არა მხოლოდ ქართველი გამომცემლის, არამედ ახალი მსოფლიო ლიტერატურული კრიტიკის ყურადღებას - აქვს მიღებული ბუკერის, პულიცერისა თუ სხვა პრემიები. ამ სერიაში საკუთარ წიგნს ყველა ის მკითხველი აღმოაჩენს, ვისთვისაც კითხვა იმაზე მეტია, ვიდრე ჰობი.

შესაბამისად, გამორჩეული წიგნების გამორჩეულ თარგმანებსა და ახალ შთაბეჭდილებებს გპირდებით.

1) სოფის არჩევანი - უილიამ სტაირონი

როგორია ქალი საკონცენტრაციო ბანაკის ტყვე, რომელიც აიძულეს ორი მცირეწლოვანი შვილიდან ერთ-ერთი გაიმეტოს სასიკვდილოდ? როგორია ქალი, რომელიც სიკვდილის პირისპირ დგას და სიცოცხლეს ებღაუჭება? როგორია ქალი საკონცენტრაციო ბანაკის დამღით, ნიუ-იორკის ქუჩაში ორ საყვარელთან ერთად მომავალი? დაბოლოს როგორია ქალი, რომელის მუდამ ირჩევს ორიდან ერთს... როგორი იქნებოდით თქვენ მის ადგილას, რას აირჩევდით...

2) ჯორჯ ორუელი - დაე,იშრიალოს ასპიდისტრამ

გორდონ კომსტოკი ცხოვრებისგან უკვე შელახული 29 წლის მამაკაცი, ხელმოცარული პოეტია. მიწიერია, თუმცა ამ წიჭს არაფერში იყენებს. ის ჩვენი დროების ღვთაებას - ფულს ებრძვის, თავგამოდებით ებრძვის, სურს დაამარცხოს. სიდუხჭირისაგან დაბეჩავებული და გაბოროტებული, გამუდმებით ჩივის: ფული, ფული, ყველაფერში ფულია დამნაშავე და კიდევ ასპიდიტრა ფანჯრის რაფაზე - ობივატელის კეთილდღეობის სიმბოლო...

საბოლოოდ კი მაინც დანებდა - დანებდა, რომ ახალ სიცოცხლეს მისცეს ამქვეყნად მოვლინების უფლება

3) ჯუმფა ლაჰირი - უცხო მიწა

აღმოსავლური და დასავლური კულტურების შერწყმა, ტრადიციების თავსებადობა არახალი თემაა, მაგრამ ჯუმფა ლაჰირის პერსონაჟებმა სულ ახლოდან, შიგნიდან დაგვანახვეს მტკივნეული პროცესი, რომელსაც უცხო სამყაროში ინტეგრირება ჰქვია. როგორი წარმატებულებიც უნდა იყვნენ, მათ თითქოს რაღაც აკლიათ და კრიტიკულ სიტუაციაში აშკარა ხდება, რომ ისინი არა ბრიტანელები ან ამერიკელები, არამედ ბენგალელი ემიგრანტები არიან... ავტორს ამერიკის ქალაქებიდან ინდოეთსა და ტაილანდში მივყავართ და ღრმად გვახედებს ოჯახის წევრების, მეგობრებისა თუ ერთმანეთზე შეყვარებული ადამიანების ურთიერთობებში. „უცხო მიწაში“ განსაკუთრებით ჩანს ჯუმფა ლაჰირის ნიჭი, სულიერი სიბრძნე, ადამიანთა გულისთქმისა და ფიქრების ფაქიზად გადმოცემის უნარი. ჯუმფა ლაჰირის „უცხო მიწა“ პირველად ითარგმნა ქართულ ენაზე.

4) კაზუო იშიგურო - დღის მიწურულს

როცა მთელი შეგნებით, პრინციპულად, უყოყმანოდ ირჩევ, იყო მსახური და მთელი ცხოვრება უმაღლესი ღირსების გრძნობით ატარებ ამ “წოდებას”, როცა უარს ამბობ სიყვარულზე, თავისუფლებაზე, პირად ცხოვრებასა და საკუთარ აზრებზეც კი, შესაძლოა, ერთ მშვენიერ “დღის მიწურულს” მიხვდე, რომ არც ერთი წუთი არ გიცხოვრია, მხოლოდ გამოგონილ იდეალებს ემსახურებოდი და ასე, თავდადებით, ბრმა ერთგულებითა და თაყვანისცემით შეპყრობილი, კარგავდი მართლაც ყველაზე ღირებულს - საკუთარ თავს...

5) მარიო ბენედეტი - სულის მოთქმა/მადლობა ცეცხლისთვის

„სულის მოთქმა“ შუახნის ქვრივი მამაკაცის ერთფეროვან, უსიხარულო ცხოვრებაში თითქმის დაუჯერებელი რამ ხდება_მას ეწვევა ნამდვილი სიყვარული, რომელიც აქამდე განუცდელი აღმაფრენით ავსებს. მაგრამ რა არის ეს - ბედის საჩუქარი თუ ბედნიერების ხანმოკლე მოლანდება, ნამდვილი ცხოვრება თუ სულის მოთქმა?.. „მადლობა ცეცხლისთვის“ როგორ იქცევა ახალგაზრდა კაცი, როდესაც ვერავინ უძლებს საკუთარი მამის უსამართლობას, მაგრამ მასთან ბრძოლის ძალა არ შესწევს; როცა მის მგრძნობიარე გულს თანაბარი ძალით გლეჯს ყოვლისმომცველი სიყვარული და გამანადგურებელი სიძულვილი; როცა იგი არ არის გმირი, მაგრამ მის ამბოხებულ სულში ცეცხლი უკვე იწყებს გაღვივებას... მწერალი უდიდესი ოსტატობით გადმოსცემს ამბავს ერთი ცნობილი ოჯახისა, სადაც ერთმანეთის მიმართ მტრულად განწყობილი სამი თაობაა წარმოდგენილი და სადაც დამანგრეველი ძალით დუღს სიყვარულიც, სიძულვილიც , შიშიც, გამბედაობაც,ღალატიც, ერთგულებაცა და სასოწარკვეთაც.

6) სარუ ბრაიერლი- გრძელი გზა შინისაკენ

ბიჭი ავსტრალიაში გაიზარდა, მაგრამ არასოდეს დავიწყებია ის მატარებელი, რომელმაც ჩვეული ცხოვრებისგან, სახლისგან, დედისა და და-ძმებისგან შორს წაიყვანა. დედობილმა ოთახში ინდოეთის რუკა ჩამოუკიდა, რათა არ დავიწყებოდა, საიდან იყო. ბიჭი ყოველ დილას შეჰყურებდა რუკას და ფიქრობდა თავის სამშობლოზე, ოჯახზე, იმაზე, თუ როგორ დაიკარგა და იმაზე, თუ ბედნიერი შემთხვევის წყალობით, როგორ იპოვა ავსტრალიელი მოყვარული მშობლები. მანამდე კი იყო შიმშილი და მათხოვრობა ინდოეთის უზარმაზარ მეგაპოლისში, კალკუტაში.

7) ჯუნოუ დიაზი - ოსკარ უაოს ხანმოკლე და უჩვეულო ცხოვრება

გაინტერესებთ, როგორია თანამედროვე ლიტერატურის ერთ-ერთი ყველაზე კეთილშობილი გმირი? მაშინ გაიცანით ოსკარ უაო - კომპიუტერული თამაშების ფანი, გულკეთილი, ჩაკეტილი და ყველასგან გარიყული, ზრდასრულობის მიჯნაზე მყოფი მეტისმეტად ჭარბწონიანი დომენიკელი ემიგრანტი. ფენტეზის, კომიქსებითა და როლური თამაშებით გატაცებული ოსკარი პრაქტიკულად ოთხ კედელშია გამოკეტილი და ებრძვის უამრავ კომპლექსს, ოცნებობს დიდი სამეცნიერო-ფანტასტიკური რომანის დაწერაზე და ეშინია,არ წავიდეს ამ ქვეყნიდან უსიყვარულოდ... მსგავსი წიგნები

8) ტომ ჰენქსი - არაჩვეულებრივი ეგზემპლარი

ტომ ჰენქსი, გარდა იმისა, რომ შესანიშნავი მსახიობია, მწერალიც არის და კიდევ... ძველებური საბეჭდი მანქანების კოლექციონერი. მის კოლექციაში თურმე ორასამდე ვინტაჟური აგრეგატია. მან გამოუშვა მობილური აპლიკაციაც Hanx Writer, როგორც ჰენქსი ამბობს, "ეს აპლიკაცია პატარა საჩუქარია მომავლის ჰიპსტერლუდიტებისთვის". და მისი საშუალებით გაჯეტზე ტექსტის აკრეფა საბეჭდი მანქანის სტილში შეიძლება.

სწორედ საბეჭდი მანქანაა ამ წიგნის ჩვიდმეტივე მოთხრობის ერთ-ერთი გმირი თითქოს მივიწყებული და უკვე უვარგისი არტეფაქტი, სინამდვილეში კი თხრობის მნიშვნელოვანი მონაწილე.

9) ქებათა ქება სოლომონისა - ტონი მორისონი

„დიდი ხანია, მძაგს ხელოვანთა ჭიჭინი მუზების შესახებ, აქაოდა, ჩვენი გამჭრიახობა იმ ხმების დამსახურებაა, რომლებიც ჩაგვესმის, თორემ ჭკუა რომ გვიჭრის, ამას სხვა რა მიზეზი უნდა ჰქონდესო, ჩემი აზრით კი, ადამიანებმა მუზები საკუთარი გონიერების შესანიღბად გამოიგონეს აღარავინ გვკითხავს, ეს აზრები საიდან მოგდისო, არავინ შეეცდება, გაარკვიოს, სად გადის ზღვარი ერთმანეთში არეულ ავტობიოგრაფიასა და გამოგონილ ამბებს შორისო.

10) კოლსონ უაითჰედი - მიწისქვეშა რკინიგზა

კორა მონაა. ბამბის პლანტაციაში მუშაობს და მისი ცხოვრება ნამდვილ ჯოჯოხეთს ჰგავს. ასაკის მატებასთან ერთად, მისი ქალური ყოფაც სულ უფრო მძიმდება. როცა სიზარი მიწისქვეშა რკინიგზის შესახებ მოუყვება, კორა გადაწყვეტს, გარისკოს და გაიქცეს ბიჭთან ერთად. ახალგაზრდა ქალი თავგანწირვით ცდილობს, დააღწიოს თავი მონობასა და დამცირებას და ამისათვის მრავალი სასტიკი განსაცდელის გადალახვა უწევს...

მოიკითხეთ „ბიბლუსის“ მაღაზიათა ქსელში მთელი საქართველოს მასშტაბით ან შეიძინეთ ონლაინ.

უკვე დღეიდან გურამ გეგეშიძის 6-ტომეულის პირველი ტომი ჟურნალ „გზასთან“ ერთად

18 თებერვლიდან სერიაში „ომებსა და ადამიანებზე“ მეექვსე წიგნი „შიშის საათი“ ჟურნალ „გზასთან“ ერთად –14 ქართველი ავტორის მოთხრობა ომზე

TOP 7 სასიყვარულო წიგნი ვალენტინობისთვის