ავტორი:

"ვარკვევთ, თუ სად გადაიყვანეს... ყველანაირ ინსტრუმენტს გამოვიყენებთ, რომ სიმართლეს მივაღწიოთ" - ნიკა მელიას ადვოკატი

"ვარკვევთ, თუ სად გადაიყვანეს... ყველანაირ ინსტრუმენტს გამოვიყენებთ, რომ სიმართლეს მივაღწიოთ" - ნიკა მელიას ადვოკატი

წარმოუდგენელი ვითარებაა, კიდევ არ მინდა ბოლომდე დავიჯერო, რომ ასეთ უგუნურებამდე მივიდა ხელისუფლება, - ასე გამოეხმაურა „ერთიანი ნაციონალური მძრაობის“ თავმჯდომარის ნიკა მელიას დაკავებას მისი ადვოკატი გიორგი კონდახიშვილი.

როგორც ადვოკატი განმარტავს, მისთვის უცნობია, თუ სად გადაიყვანეს დაკავებული ნიკა მელია. კონდახიშვილის თქმით, ადვოკატები ყველა სამართლებრივ მექანიზმს გამოიყენებენ, მათ შორის, მიმართავენ სტრასბურგის სასამართლოს.

„ადამიანები დაზიანდნენ, ბევრი მოწამლულია, სასწრაფო დახმარებას ითხოვდნენ, მეტ ინფორმაციას არ ვფლობ, შიგნით არ ვიყავი. ყველამ იხილა პირდაპირ ეთერში რაც მოხდა, ოქმი არ გადმოუციათ, არც განჩინება. ვარკვევთ, თუ სად გადაიყვანეს, ზუსტად არ ვიცით, უახლოეს წუთებში გაირკვევა და იმედია, საშუალება მოგვეცემა, რომ მოვინახულოთ. წარმოუდგენელი ვითარებაა, კიდევ არ მინდა ბოლომდე დავიჯერო, რომ ასეთ უგუნურებამდე მივიდა ხელისუფლება. ყველანაირ ინსტრუმენტს გამოვიყენებთ, რომ კიდევ ერთხელ ჩვენს სიმართლეს მივაღწიოთ. იურისტები ვმუშაობთ ამ თემაზე, ყველა მექანიზმს გამოვიყენებთ, რომ ნათელი გახვადოთ, ეს საქმე არის პოლიტიკურად მოტივირებული და სამართლებრივი საფუძვლები არ გააჩნია“, - განაცხადა კონდახიშვილმა.

შსს ნიკა მელიას დაკავების ოპერაციაზე კიდევ ერთ განცხადებას ავრცელებს

რას ამბობს ადვოკატი, რომელმაც ნიკა მელია რუსთავის პენიტენციურ დაწესებულებაში მოინახულა

შსს სპეცოპერაციის შიდა კადრებს ავრცელებს  - "ვიდეოში ასახულია, თუ როგორ ესვრის მყარ საგანს "ნაცმოძრაობის" აქტივისტი პოლიციას"