ირაკლი ღარიბაშვილი ვახო სანაიაზე და მის ოჯახზე განხორციელებულ თავდასხმას ეხმაურება
ერთმნიშვნელოვნად ვგმობ ყოველგვარ ძალადობას ნებისმიერი მოქალაქის, მით უფრო, მედიის წარმომადგენლების მიმართ, - ასე ეხმაურება საქართველოს პრემიერ-მინისტრი ირაკლი ღარიბაშვილი ჟურნალისტ ვახო სანაიაზე და მის ოჯახზე განხორციელებულ თავდასხმას.
მთავრობის მეთაური შინაგან საქმეთა სამინისტროს თავდამსხმელების ოპერატიულად დაკავებისთვის მადლობას უხდის.
"მსურს, გამოვეხმაურო ჟურნალისტ ვახო სანაიაზე და მის ოჯახზე განხორციელებულ თავდასხმას. ერთმნიშვნელოვნად ვგმობ ყოველგვარ ძალადობას ნებისმიერი მოქალაქის, მით უფრო, მედიის წარმომადგენლების მიმართ. მადლობას ვუხდი შინაგან საქმეთა სამინისტროს თავდამსხმელების ოპერატიულად დაკავებისთვის.
გარწმუნებთ, სახელმწიფოს მხრიდან პასუხი იქნება ადეკვატური და დამნაშავეები კანონის მთელი სიმკაცრით აგებენ პასუხს", - აცხადებს პრემიერ-მინისტრი.
ცნობისთვის, "ფორმულას" ტელეწამყვან ვახო სანაიასა და მისი მეუღლის ნათესავზე თავდასხმის ფაქტზე 3 პირი დააკავეს.
ევროპული საბჭოს პრეზიდენტი შარლ მიშელი თბილისშია - როგორია ევროპული საბჭოს პრეზიდენტის ვიზიტის განრიგი
ქუთაისში "ნამახვანჰესის" მშენებლობა მასშტაბური აქციით გააპროტესტეს
