ქუთაისში "ნამახვანჰესის" მშენებლობა მასშტაბური აქციით გააპროტესტეს
ქუთაისის ცენტრალურ მოედანზე “ნამახვანჰესის“ მშენებლობის მოწინააღმდეგეთა აქცია გაიმართა.
აქციის მონაწილეებმა ჰესების კასკადის მშენებელი კომპანიის “ენკასგან” რიონის ხეობის დატოვება და იმ ნებართვის გაუქმება მოითხოვეს, რომელიც ხეობაში ჰესის მშენებლობას ითვალისწინებს.
როგორც აქციის ერთ-ერთმა ორგანიზატორმა ვარლამ გოლეთიანმა განაცხადა, აქცია აპოლიტიკური ხასიათის იყო. მისივე განცხადებით, იმ შემთხვევაში, თუ მათი მოთხოვნები არ შესრულდება, მცირე ჯგუფებად დაიყოფიან და რიონის ხეობაში მორიგეობას გააგრძელებენ.
აქციას მხარდამჭერები სხვადასხვა რეგიონიდან შეუერთდნენ, მათი თქმით, სოლიდარობა გამოუცხადეს, ადამიანებს, რომლებსაც „არ სურთ საკუთარი მიწის 100 წლით გასხვისება“. აქციას ასევე შეუერთდნენ არასამთავრობო ორგანიზაციის წარმომადგენლები და პოლიტიკოსები.
შეგახსენებთ, რომ რიონის ხეობის მოსახლეობის ნაწილის პროტესტი 126-ე დღეა გრძელდება, ისინი ღამეებს კარვებში ათენებენ.
"სამხრეთ კავკასიაში ამერიკის ლიდერობის დროა და ვისურვებდი, რომ სახელმწიფო მდივანი ენტონი ბლინკენი თვითმფრინავში ჩაჯდეს და წავიდეს თბილისში" - ლუკ კოფი
ბინა პარიზში, 1 486 451-დოლარიანი ანაბარი და ა.შ. - რა ქონებას ფლობს "ოცნების" დეპუტატი, რომლის დაბადების დღეზეც, "კომენდანტის საათისას", კალაძემ და კობახიძემ მოილხინეს
