ავტორი:

"ეს მისი ბოლო ცეკვა საავადმყოფოში... იქედანაც გვამხნევებდა" - რას წერს ნინო შუბლაძე გარდაცვლილი დის შესახებ

"ეს მისი ბოლო ცეკვა საავადმყოფოში... იქედანაც გვამხნევებდა" - რას წერს ნინო შუბლაძე გარდაცვლილი დის შესახებ

"რუსთავი 2"-ის საინფორმაციო სამსახურის უფროსი ნინო შუბლაძე დის, სოფო შუბლაძის გარდაცვალების შესახებ "ფეისბუქის" პირად გვერდზე წერს. ქართულ-ამერიკული უნივერსიტეტის ერთ-ერთი დამფუძნებელი, არასამთავრობო ორგანიზაცია "პარტნიორები საქართველოს" დირექტორი, ტრენერი სოფო შუბლაძე კორონავირუსით გამოწვეული გართულების შედეგად გუშინ საავადმყოფოში გარდაიცვალა.

"უსამართლობის ზეიმია! არა, უსამართლობის დღესასწაული!!! ესეც მისი ბოლო ცეკვა საავადმყოფოში!!!!!! იქედანაც ჩვენ გვამხნევებდა! გული მეწვის ისე მენატრება!!!! ჩემი დღესასწაული გოგო" - წერს ნინო შუბლაძე და "ფეისბუქზე" ავრცელებს ვიდეოს, რომელიც დამ კლინიკაში ყოფნის დროს გამოუგზავნა.

კორონავირუსის მძიმე ფორმებში გადატანის შემდეგ, სოფო შუბლაძის ჯანმრთელობის მდგომარეობა, ბოლო თვის განმავლობაში რამდენჯერმე დამძიმდა, თუმცა ახლობლები მისი გადარჩენის იმედს არ კარგავდნენ. არსებული ინფორმაციით, ის თრომბის შედეგად გარდაიცვალა.

სოფო შუბლაძე 1996 წლიდან მუშაობდა კონფლიქტების მართვის, ინტერაქციული სწავლებისა და მოზრდილთა განათლების სფეროში. მიღებული ჰქონდა პრესტონის უნივერსიტეტის მაგისტრის წოდება ადამიანური რესურსების მართვაში.

ნინი ბადურაშვილი დასთან ერთად დუბაიში ისვენებს - დების ზღაპრული მოგზაურობის ფოტოები

"სიყვარულის 2 წელი" - დავით კირკიტაძის მეუღლე ქორწინების იუბილესთან დაკავშირებით, რომანტიკულ ფოტოებს აქვეყნებს

"პიროვნება, რომელიც რუს ოლიგარქად მოიხსენიეს, არის ჩემი უახლოესი მეგობრის ბიძა, დაბადებული და გაზრდილი გურჯაანში" - ლექსო თამაზაშვილი "ტვ პირველს" პასუხობს