"რა სწრაფად გადის დრო, ჩემი შვილები უკვე დიდები არიან...რაღაც მაინც გამიკეთებია სწორად" - ბრიტნი სპირსის იშვიათი ფოტო ვაჟებთან ერთად

90-იანი წლების პოპ-პრინცესას, ბრიტნი სპირსის დრამატულ ცხოვრებას სასიამოვნო და ბედნიერი მომენტებიც ახლავს თან, ეს ბედნიერი წუთები კი, როგორც თავად ვარსკვლავი ამბობს, შვილებთან ერთად გატარებული დროა. ბრიტნის ორი ვაჟი ჰყავს ჯეიდენი და შონი. ჯეიდენი 14 წლისაა, ხოლო შონი 15-ის.

ბრიტნი შვილებთან ერთად გადაღებულ ფოტოებს სოციალურ ქსელებში იშვიათად აზიარებს, თუმცა ამჯერად გამონაკლისი დაუშვა და მიმდევრებს ახალი ფოტო გაუზიარა, სადაც ის ბიჭებთან ერთადაა აღბეჭდილი.

"რა სიგიჟეა... დრო როგორ გადის, ჩემი ბიჭები უკვე დიდები არიან. ვიცი, რა ძნელი გასააზრებელია დედისთვის როცა ხედავს, რა სწრაფად იზრდებიან მისი შვილები. ძალიან იღბლიანი ვარ, რომ ისინი ასეთი ჯენტლმენები და კეთილები არიან, ეს ნიშნავს, რომ რაღაც სწორად გამიკეთებია“, - წერს მომღერალი.

როგორც ფოტოზე ხედავთ, ბიჭები პირბადით არიან. ბრიტნი კი წერს, რომ ასეთი ფოტო სპეციალურად გამოაქვეყნა, რადგანაც მოზარდები ისეთ ასაკში არიან, რომ არ სურს, მათი პირადი სივრცე დაარღვიოს.

ბრიტნის შვილები კევინ ფედერლაინთან ქორწინებიდან ჰყავს. წყვილი 2004-2006 წლებში იყო დაქორწინებული.

ასევე დაგაინტერესებთ: ბრიტნი სპირსი: ვარსკვლავი, რომელსაც ცხოვრება წაართვეს - მამის მსხვერპლი გოგონა და დაგვიანებული ბოდიში ჯასტინ ტიმბერლეიკისგან