"სან დიეგოს ზოოპარკში მაინც წაგვიყვანონ... აცრილი ტურისტების ხელით შეხებაც შეგვეძლება თუ იცით?!" - ვაქცინაციის თემაზე "ფეისბუქში" სასაცილო "მიმები" ვრცელდება

სან დიეგოს ზოოპარკში რამდენიმე მაიმუნს კორონავირუსის საწინააღმდეგო ექსპერიმენტული ვაქცინა გაუკეთეს. გადაწყვეტილება მას შემდეგ მიიღეს, რაც ზოოპარკში კორონავირუსის ეპიდაფეთქება მოხდა ვირუსი მის არაერთ ბინადარს გამოუვლინდა.

ვეტერინარული ფარმაკოლოგიური კომპანიის, Zoetis მიერ შექმნილი ვაქცინა 6 მაიმუნს გაუკეთდა. თითოს, ორი დოზა. როგორც BBC წერს, ცხოველები ახლა გამოჯანმრთელების გზას ადგანან.

დაგვიანებული ვაქცინაციისა და ვაქცინების შემოტანის თემას მთელი ქართული საზოგადოება დიდი ინტერესით ადევნებს თავლ-ყურს, თუმცა ზოგიერთი მოქალაქე სკითხს ჩვეული იუმორით უდგება. თემასთან დაკავშირებით სოციალურ ქსელებში არაერთი ფოტოშარჟიც ვრცელდება.

ზურაბ გირჩი ჯაფარიძე:

"საქართველოს მთავრობა, სან დიეგოს ზოოპარკმაც დაგასწროთ"

დავით კოვზირიძე, ტელეწამყვანი:

"სან დიეგოს ზოოპარკში მაიმუნებიც აცრეს გუშინ კოვიდზე და ნაკურთხი წყალი მაინც მიმოაპკურონ თბილისის ჭაღარა ქუჩებში, ან კომენდანტის საათი გაამკაცრონ, ან საერთოდ სან დიეგოს ზოოპარკში წაგვიყვანონ, ამაზე უკეთესი ნამდვილად იქნება".

"ძმრიანი ნასკები..."

ირაკლი გაფრინდაშვილი, PR მენეჯერი:

"აუ აცრილ ტურისტებს რომ ვნახავ ,ისე მიხარია, ხელით შეხებაც შეგვეძლება თუ იცით?!"

"მინიშნებებიც აქვთ. გ-აცრილი არის გერმანელი ტურისტი. ფრანგცრილი - ფრანგი და ა. შ. ქაცრილი არ ჯდება, თან ტურისტი საკუთარ ქვეყანაში ხო არ იქნები?!"

"მთავარია ეგენი იყვნენ აცრილები და ჩვენ ჯანდაბამდე გვქონია გზა"

"მაიმუნებიც აიცრნენ და ჩვენ, როგორც ცერცვაძემ თქვა ისრაელზე უკეთესად ვმუშაობთ!"

ვახო ჭუმბურიძე, იურისტი:

"გავცვლი ერთ ოთახიან ბინას კოვიდ პასპორტში. დეტალები პირადში".

ცნობისთვის, გუშინ ეკონომიკის მინისტრმა "სასიხარულო ინფორმაცია" გვაუწყა, რომ ვაქცინირებული ტურისტების პირველი ნაკადი უკვე გამოჩნდა.

„სასიხარულო ინფორმაცია - გამოჩნდა უკვე პირველი ვაქცინირებული ტურისტების ნაკადი, კერძოდ, მარტის ბოლოს ისრაელის ავიაკომპანია შეასრულებს სამ ტურისტურ ჩარტერულ რეისს 19, 22 და 26 მარტს თელავივი-ბათუმი-თელავივის მიმართულებით - ეს არის შედეგი ჩვენი პირველი შემსუბუქების“, - განაცხადა ნათია თურნავამ.