ავტორი:

"მინისტრი რომ ვყოფილიყავი და გერმანიის ყანებში სამუშაოდ განაცხადი 2 დღეში 100 ათას კაცს შეევსო, თვითმკვლელობაზე ვიფიქრებდი" - ელისაშვილი სოფლის მეურნეობის მინისტრს

"მინისტრი რომ ვყოფილიყავი და გერმანიის ყანებში სამუშაოდ განაცხადი 2 დღეში 100 ათას კაცს შეევსო, თვითმკვლელობაზე ვიფიქრებდი" - ელისაშვილი სოფლის მეურნეობის მინისტრს

მე რომ სოფლის მეურნეობის მინისტრი ვყოფილიყავი, გერმანიას გამოეცხადებინა, ვისაც ჩვენს ბაღ-ბოსტნებსა და ყანებში მუშაობა გინდათ, აგერ განცხადება შეავსეთო და ორ დღეში 100 ათას კაცს შეევსო, ალბათ, თვითმკვლელობაზე ვიფიქრებდი, - ამ სიტყვებით დეპუტატმა ალეკო ელისაშვილმა პარლამენტის პლენარულ სხდომაზე გარემოს დაცვისა და სოფლის მეურნეობის მინისტრს ლევან დავითაშვილს მიმართა, რომელსაც “მინისტრის საათის“ ფორმატში უსმენენ.

როგორც ელისაშვილმა განაცხადა, საქართველოში 30 წელია არსებობს სოფლის მეურნეობის სამინისტრო, მაგრამ არ არსებობს სოფლის მეურნეობა.

“განყენებული ციფრები და სტატისტიკა არ მაინტერესებს. ვარ ჩვეულებრივი მოქალაქე და მთავარი სტატისტიკა არის ის, როცა მაღაზიაში შევდივარ და მაქვს ასეთი არჩევანი: - ხახვი და ნიორი - თურქეთიდან, მანდარინი და ფორთოხალი საბერძნეთიდან, ხორცი - ბრაზილიიდან და ინდოეთიდან. რომელ სოფლის მეურნეობაზე ვლაპარაკობთ?! აქა-იქ თუ იპოვი რაღაცას ქართულს“, - მიმართა დავითაშვილს ალეკო ელისაშვილმა.

მისივე თქმით, საჯარო რეესტრის მონაცემებით, სახელმწიფო საკუთრებაში რეგისტრირებული მიწების 69%, მილიონ ჰექტრაზე მეტი არის სასოფლო-სამეურნეო დანიშნულების მიწა. როგორც ელისაშვილმა განაცხადა, “სინამდვილეში ეს არის კორუმპირებული გამგებლების ხელში ჩავარდნილი მიწა, რომელსაც ძიძგნიან და საკუთარ მამიდაშვილ-ბიძაშვილებს აძლევენ“.

“რატომ არის, რომ 30 წელია ისევ საბჭოთა კავშირი გვაქვს?!“, - განაცხადა ელისაშვილმა.

"ხომ აპირებდნენ პარლამენტიდან ჩემი ფეხით გამოთრევას - ვნახავ, ამისთვის შემოდიან თუ იმისთვის, რომ სავარძლებში დასკუპდნენ" - ალეკო ელისაშვილი "ნაცმოძრაობაზე"

"მისთვის ძალიან არასწორია გადაწყვეტილებაა" - რას აცხადებს თეა წულუკიანი გიორგი გახარიაზე?

გიორგი გახარიას ახალი პარტია "საქართველოსთვის" - როგორია ახალი ორგანიზაციის ლოგო და ვის ვიხილავთ  ექსპრემიერის გვერდით?