დათა ვანიშვილი საქართველოს ჰიმნის ფონზე დაკრძალეს - ემოციური ფოტორეპორტაჟი ხურვალეთიდან
სოფელ ხურვალეთში, მავთულხლართების მეორე მხარეს მდებარე სოფლის ძველ სასაფლაოზე, დათა ვანიშვილი დაკრძალეს.
დათა ვანიშვილის გამოსვენებისას საოკუპაციო ზოლთან შეკრებილებმა საქართველოს ჰიმნი შეასრულეს.
დაკრძალვის ცერემონიალს გარდაცვლილის ოჯახის წევრები და ოკუპირებულ ტერიტორიაზე მცხოვრები ნათესავები ესწრებოდნენ.
ოჯახის ახლობლები, ხელისუფლების წარმომადგენლები, სამოქალაქო აქტივისტები და პოლიტიკოსები გარდაცვლილის მეუღლეს სამძიმარს მავთულხლართებთან უცხადებდნენ.
შეგახსენებთ, 2008 წლის რუსეთ-საქართველოს ომის შემდგომ დაწყებული უკანონო “ბორდერიზაციის” პროცესის მიმდინარეობისას, დავით ვანიშვილის საცხოვრებელი სახლი მავთულხლართებს მიღმა, ოკუპირებულ ტერიტორიაზე მოექცა. ვანიშვილმა უარი თქვა სახლის დატოვებაზე და მეუღლესთან და შვილიშვილთან ერთად, 12 წლის განმავლობაში გამყოფი ხაზის მიღმა ცხოვრობდა. 88 წლის დავით ვანიშვილი 19 მარტს გარდაიცვალა.
ფოტორეპორტაჟი: George Boochko
ოკუპირებული აფხაზეთის ე.წ. შსს-ში ბოდიში მოახდევინეს გოგონას, რომელმაც თქვა, რომ "აფხაზეთი საქართველოა" - "ძალიან ვნანობ და პატიებას ვითხოვ"
"ვითომ მეტადონის პროგრამაში იყო ჩართული და მისი კვალი ოჩამჩირის სკოლებში აღმოაჩინეს" - რას წერენ აფხაზები გალში დაკავებულ ნარკოდამნაშავეებზე?
