ავტორი:

"თუ ასეთი პასიურობა გაგრძელდება, შესაძლოა, ვაქცინაცია საყოველთაო გახდეს" - თენგიზ ცერცვაძე

"თუ ასეთი პასიურობა გაგრძელდება, შესაძლოა, ვაქცინაცია საყოველთაო გახდეს" - თენგიზ ცერცვაძე

"არ იქნება კარგი თუ ყველა აირჩევს "ფაიზერს“, მაგრამ რა ვქნათ, მეორე მხრივ, ეს არის ადამიანის ნების გამოხატვის თავისუფლება", - ამის შესახებ ინფექციური საავადმყოფოს დირექტორმა თენგიზ ცერცვაძემ განაცხადა.

მისივე თქმით, ასეთ შემთხვევაში "ფაიზერის“ ვაქცინა სწრაფად ამოიწურება და დანარჩენი მოსახლეობა მაინც იძულებული გახდება "ასტრაზენეკას“, ან ჩინური ვაქცინით აიცრას.

"ფაიზერი“ გაიხარჯება ძალიან ჩქარა, მერე მაინც "ასტრაზენეკა“ დარჩება და დანარჩენები უბრალოდ იძულებული იქნებიან, "ასტრაზენეკათი“ აიცრან, ან ჩინურით აიცრან, ან დაელოდონ, ივნისში "ნოვოვაქსი“ შემოვა და იმით აიცრან,“- განაცხადა ცერცვაძემ.

ამასთანავე, მან არ გამორიცხა, რომ ვაქცინაციასთან დაკავშირებით ასაკობრივმა ზღვარმა დაიწიოს.

ჟურნალისტების კითხვაზე, ვაქცინაციაზე დაბალი მოთხოვნის ფონზე, ხომ არ იგეგმება, რომ კიდევ უფრო დაიწიოს ასაკობრივი კატეგორია და ყველას მიეცეს აცრის საშუალება, თენგიზ ცერცვაძემ უპასუხა, რომ თუ ასეთი პასიურობა შენარჩუნდება, შესაძლოა, ვაქცინაცია საყოველთაოც გახდეს.

"ორი საბჭოა - ერთი ვაქცინაციის უწყებათაშორისი და მეორე, იმუნიზაციის გვერდითი მოვლენების. მე არცერთი საბჭოს წევრი არ ვარ, მაგრამ რამდენადაც ინფორმაცია მაქვს, ეს გამორიცხული არ არის. შესაძლოა, რომ ასაკობრივმა ზღვარმა კიდევ დაიწიოს და საერთოდ, თუ ასეთი პასიურობა იქნება, შესაძლოა გახსნილი, საყოველთაო იყოს“, - განაცხადა ცერცვაძემ.

ცნობისთვის, საქართველოს ჯანდაცვის მინისტრის მოადგილის, თამარ გაბუნიას განცხადებით, 25 მარტიდან, როგორც მედიცინის მუშაკებს, ასევე, 65 წელს ზემოთ მოქალაქეებს, საშუალება ექნებათ არჩევანი "ასტრაზენეკასა“ და "ფაიზერს“ შორის გააკეთონ.

"არ გვაქვს შიში, რომ ვაქცინის დოზების ათვისება ვერ მოხდება" - "ფაიზერის" ვაქცინის 29 500 დოზა 14 ათას ადამიანზე გადანაწილდება

როგორ ირჩევდნენ სპეციალობას ადრე და როგორ ირჩევენ ახლა

გაუკეთდებათ თუ არა ვაქცინის მეორე დოზა იმ მოქალაქეებს, რომლებსაც პირველი დოზის მიღების შემდეგ კორონავირუსი დაუდგინდებათ?