"საქართველოში დაბადების დღის აღნიშვნა ტრადიციად მექცა..." - არსებული ინფორმაციით, ვლადიმერ პოზნერის მასპინძელი მირანდა მირიანაშვილია

"მთავარი არხის" ინფორმაციით, რუსი ჟურნალისტის ვლადიმერ პოზნერისა და მასთან ერთად 40-მდე რუსი ჟურნალისტისა და შოუმენების მასპინძელი რუსეთში ცნობილი მომღერალი მირანდა მირიანაშვილია.

ტელეკომპანიის ცნობით, წვეულება სწორედ მირიანაშვილის სახლში გაიმართება, სადაც უკვე იმყოფებოდნენ რუსეთიდან ჩამოსული მუსიკოსები. "მთავარი არხის" ინფორმაციით, მათ თქვენს, რომ მირანდა მირიანაშვილის სახლში რეპეტიცია გაიარეს.

ინფორმაციას, რომ საქართველოში დაბადების დღის აღსანიშნავად ჩამოვიდა, ადასტურებს ტავად ვლადიმერ პოზნერიც. როგორც ის ჟურნალისტებთან საუბრისას ამბობს, მას აქ ბევრი მეგობარი ჰყავს.

"საქართველოში დაბადების დღის აღნიშვნა ტრადიციად მექცა, მესამე შემთხვევაა, რაც ამ მიზნით ჩამოვდივარ, აქ ბევრი მეგობარი მყავს. არ ვფლობ ინფორმაციას, თუ ვინ იყო ჩემი აქ ჩამოსვლის წინააღმდეგი. დაბადების დღე უნდა ავღნიშნო. საქართველოში პოლიტიკურ მოვლენებს თვალყურს არ ვადევვნებ" - აღნიშნა პოზნერმა.

ცნობისთვის, პოლიცია შრომის ინსპექციის სამსახურის წარმომადგენლებთან ერთად იმ სასტუმროში შედიან, სადაც რუსი ჟურნალისტი ვლადიმერ პოზნერი მეგობრებთან ერთად იმყოფება.

მანამდე პოლიტიკური მოძრაობა „დროას“ ლიდერმა, რომელიც აღნიშნულ სასტუმროსთან მიმდინარე აქციაზე იმყოფება, შინაგან საქმეთა სამინისტროს ცხელ ხაზზე- 112-ზე დარეკა და ინფორმაცია მიაწოდა იმის შესახებ, რომ სასტუმროში მყოფი რუსული დელეგაციის წარმომადგენლები „კომენდანტის საათს“ არღვევდნენ.

სწორედ ამის შემდეგ პოლიციის წარმომადგენელმა განაცხადა, რომ სამართალდამცველები სასტუმროში შევლენ და ვითარებაში გაერკვევიან.