"ეს ადამიანები არ იღებენ პატრიარქისადმი გამოხატულ შეურაცხყოფას... მადლობა მათ" - ანდრია ჯაღმაიძე
საპატრიარქოს საზოგადოებასთან ურთიერთობის სამსახურის უფროსი, დეკანოზი ანდრია ჯაღმაიძე მადლობას უხდის იმ ადამიანებს, რომლებიც პატრიარქისადმი მისივე თქმით, სიყვარულს გამოხატავენ და ილია მეორის მიმართ გამოხატულ შეურაცხყოფა არ იღებენ. აღნიშნულის შესახებ ჯაღმაიძე "ფეისბუქში" წერს.
"რატომ ატყდა ასეთი დიდი ამბავი, საპატრიარქომ მადლობა გადაუხადა ხალხსო? ეს ადამიანები პატრიარქისადმი სიყვარულს გამოხატავდნენ დაუფარავად. ეს ადამიანები არ იღებენ პატრიარქისადმი გამოხატულ შეურაცხყოფას და მოსახლეობის უდიდესი ნაწილია ეს.
მადლობა მათ საზოგადოებასთან ურთიერთობის სამსახურის სახელით, მათ ესმით ჩვენი.
უამრავი უცხო ადამიანი დღეს ქუჩაში მაჩერებდა და მადლობას გვიხდიდა და პატრიარქთან თბილ სიტყვებს მაბარებდა.როდესაც თბილ სიტყვებს გეუბნებიან, მადლობას უხდი, ეს მარტივი თავაზიანობაა.
დარწმუნებული ვარ ასევე იქცევიან თავად ისინი, ვინც ეს გაიკვირვა" - წერს ანდრია ჯაღმაიძე.
"ბევრს მაკრიტიკებენ, მაკრიტიკონ, არაუშავს, ავიტან... ბათუმის ბულვარზეც გამაკრიტიკეს" - ამირან გამყრელიძე
რას ამბობს სახელმწიფო ზრუნვის სააგენტოს წარმომადგენელი ნინოწმინდის პანსიონში გამართული შეხვედრის შემდეგ?
