"ჩვენების მიცემას არ ვაპირებ, არც ჩივილს, არ მინდა, რომ ბესო ზანგური დაიჭირონ" - რას ამბობს ნინუცა მაყაშვილი, რომელიც გამოკითხვაზე შსს-ში დაიბარეს

მსახიობი ნინუცა მაყაშვილი შინაგან საქმეთა სამინისტროში გამოკითხვაზე დაიბარეს. როგორც "ინტერპრესნიუსს“ მაყაშვილმა განუცხადა, ის ჩვენებას არ მისცემს.

"არ ვაპირებს მისვლას, არც ჩვენების მიცემას და არც ჩივილს, რადგან არ მინდა, რომ ეს ადამიანი დაიჭირონ“, - განაცხადა მაყაშვილმა.

ნინუცა მაყაშვილი საგამოძიებო უწყებაში მის მიერ საჯაროდ გაკეთებულ განცხადებასთან დაკავშირებით დაიბარეს, რომელიც ყოფილ მეუღლეს, მსახიობ ბესო ზანგურს შეეხებოდა.

მაყაშვილმა ტელეკომპანია "რუსთავი2“-ის გადაცემაში "ფარული კონვერტი“ განაცხადა, რომ მას ყოფილი მეუღლე ფიზიკურად უსწორდებოდა, თუმცა, ამის შესახებ წლების განმავლობაში დუმდა. აღნიშნულ ფაქტს ბესო ზანგური უარყოფს.

• იხილეთ ასევე: "სცემდა აუდიტორიაში და სცემდა უმოწყალოდ" - ბესო ზანგურს კიდევ ერთ ძალადობაში ამხელენ