აფეთქება ბაღდადის ერთ-ერთ კოვიდკლინიკაში - გარდაცვლილია სულ მცირე, 82 ადამიანი (ფოტოები)

ერაყის დედაქალაქ ბაღდადში, ერთ-ერთი კლინიკის ინტენსიური თერაპიის განყოფილებაში, სადაც კოვიდინფიცირებული პაციენტები მკურნალობდნენ, აფეთქება მოხდა.

BBC-ის ინფორმაციით, განყოფილებაში ჟანგბადის ბალონი აფეთქდა, რასაც ძლიერი ხანძარი მოჰყვა.

ხანძრის შედეგად სულ მცირე 82 ადამიანი დაიღუპა.

გამოცემის ინფორმაციით, საავადმყოფოს ხანძარსაწინააღმდეგო სისტემა არ ჰქონდა, რის გამოც ცეცხლი სწრაფად გავრცელდა. შემთხვევის შედეგად 100-ზე მეტი ადამიანი დაშავდა. რამდენიმე მათგანის მდგომარეობა კრიტიკულია.