ინფორმაცია, რომ ზუგდიდელი ახალგაზრდა, რომელმაც მაღალი ძაბვის ბოძიდან სცადა გადმოხტომა, 3020 ლარით დაჯარიმდა, ტყუილია - რა განაცხადეს შსს-ში

სიმართლეს არ შეესაბამება ინფორმაცია, რომ ბიჭი, რომელიც ზუგდიდში მაღალი ძაბვის ბოძიდან ხტებოდა, პოლიციამ 3020 ლარით დააჯარიმა. ამის შესახებ Ambebi.ge-ს შსს-ს პრესსამსახურში განუცხადეს.

ცნობისთვის, გუშინ ზუგდიდში, მდინარე შხოუშას სანაპიროზე მაღალი ძაბვის ბოძზე 19 წლის ბიჭი ავიდა და გადმოხტომა სცადა. არსებული ინფორმაციით, მან სახლში იჩხუბა, რის შემდეგაც თვითმკვლელობა სცადა.

ახალგაზრდას მეზობლები ჰყვებოდნენ, რომ იმ მომენტში ის ალკოჰოლის ზემოქმედების ქვეშ იყო. 19 წლის ბიჭს გადმოხტომაში ხელი მეზობელმა შეუშალა და ფაქტის შესახებ 112-ს აცნობა.

ერთ-ერთი ვერსიით, ოჯახში ჩხუბის მიზეზი ახალგაზრდა ბიჭისთვის შეყვარებულის მიერ ნათქვამი უარი გახდა.