"ივანიშვილის სახელის ხსენება "ნამახვანჰესთან" დაკავშირებით, არის უადგილო" - ვარლამ გოლეთიანი

"ნამახვანჰესის“ საწინააღმდეგო აქციის ერთ-ერთმა ორგანიზატორმა, ვარლამ გოლეთიანმა ჟურნალისტებთან საუბრისას აღნიშნა, რომ ბიძინა ივანიშვილის სახელის ხსენება "ნამახვანჰესთან" დაკავშირებით უადგილოა.

"ახლა ის, რომ ჩვენ ბიძინა ივანიშვილის სახელი ვახსენოთ აქ - ის, რომ ბიძინა ივანიშვილი არის ამ პროექტის უკან და მისი ინტერესია და ა.შ. ამას ხომ ფაქტები ასე ღიად ზურგს არ უმაგრებს?! არც მისი ხელმოწერაა არც ერთ დოკუმენტზე.

ჩვენ არ ვთვლით, რომ სწორია, როცა ამ კონკრეტულ სათქმელს არანაირი ზურგი არ აქვს, დავიწყოთ ამ ყველაფერზე პედალირება იმიტომ, რომ ეს იქნება უსაფუძვლო პოლიტიკური განცხადება ჩვენი მხრიდან.

თუმცა, როცა ვაყენებთ ხელისუფლების პასუხისმგებლობის საკითხს, ბიძინა ივანიშვილი პერსონალურად არ არის ამ პროცესებისგან გამიჯნული, მათ შორის, მისი დაყენებული ხელისუფლებაა... უბრალოდ, მისი სახელის ხსენება ამ პროექტთან დაკავშირებით არის უადგილო“, - ამბობს გოლეთიანი.

გოლეთიანის კომენტარს "მთავარი არხი" ავრცელებს. ნახეთ ვიდეო