"მათში გარშემო მყოფთა მიმართ ზიზღი და ბრაზია, რომელიც დოპინგივით მოქმედებს" - ჟირინოვსკი ბელგიასთან რუსეთის ნაკრების დამარცხების მიზეზებზე
რუსი პოლიტიკოსი, ვლადიმირ ჟირინოვსკი ევროპის ჩემპიონატის პირველ მატჩში ბელგიის ნაკრებთან რუსეთის მარცხს სოციალურ ქსელში ეხმიანება და წარუმატებლობის მიზეზებზე საუბრობს.
ბელგიელთა გამარჯვებას ის "პატარა ერის ნაციონალიზმით" ხსნის.
"ბელგიის რუსეთთან მატჩში გამარჯვების მთავარი მიზეზი პატარა ერის ნაციონალიზმია.
ვალონები, ფლამანდელები საუკუნეების განმავლობაში იბრძოდნენ დამოუკიდებლობისთვის. ამიტომ, მათში გარშემო მყოფთა მიმართ ძლიერი ზიზღი და ბრაზია, რომელიც დოპინგივით მოქმედებს. ეს არის პატარა ერის ნაციონალიზმი...
ჩვენ კი ეს არ გვაქვს, იმიტომ რომ საუკუნეების განმავლობაში ვანგრევდით ეროვნულ იდენტობას. მეფეც ამიტომ არ გვიყვარდა, საბჭოთა ხელისუფლებაც, ელცინიც.
ხან საბჭოთა ხალხი ვიყავით, ხან - რუსეთის ხალხი, მაგრამ არასოდეს - რუსი ხალხი. ამიტომაც, არ არის ჩვენში სამოქალაქო ერთობა", - წერს ჟირინოვსკი "ტელეგრამზე".
შეგახსენებთ, რუსეთის ნაკრები ბელგიასთან ანგარიშით: 0:3 დამარცხდა.
ძლიერი წვიმა და მეწყერი იაპონიაში - გარდაცვლილია 2 ადამიანი, 20-ზე მეტი კი დაკარგულად ითვლება
კვიპროსი საერთაშორისო საზოგადოებას დახმარებას სთხოვს - "მსგავსი რაოდენობისა და სიძლიერის ხანძრები აქამდე არასოდეს ყოფილა"
