კვიპროსი საერთაშორისო საზოგადოებას დახმარებას სთხოვს - "მსგავსი რაოდენობისა და სიძლიერის ხანძრები აქამდე არასოდეს ყოფილა"

მასშტაბური ხანძრების ჩასაქრობად კვიპროსი საერთაშორისო საზოგადოებას დახმარებას სთხოვს.

BBC-ის ინფორმაციით, ქვეყანაში მსგავსი რაოდენობისა და სიძლიერის ხანძრები აქამდე არასოდეს მომხდარა. კვიპროსის ხელისუფლებამ დახმარებისთვის ევროკავშირის ქვეყნებსა და ისრაელს მიმართა.

ძლიერი ხანძრის ჩაქრობას მაღალი ტემპერატურა და ქარი აფერხებს. სტიქიურმა უბედურებამ ათობით საცხოვრებელი სახლი გაანადგურა. ექსპერტები მასშტაბურ ხანძრებს კლიმატის ცვლილებასა და ტემპერატურის მატებას უკავშირებენ.

უკვე რამდენიმე დღეა კვიპროსში ჰაერის ტემპერატურა 40 გრადუს ცელსიუსს აღემატება.