ძლიერი წვიმა და მეწყერი იაპონიაში - გარდაცვლილია 2 ადამიანი, 20-ზე მეტი კი დაკარგულად ითვლება

იაპონიაში, სიძუოკის პრეფექტურის ქალაქ ატამიში ძლიერმა წვიმამ მეწყერი გამოიწვია. მედიის ინფორმაციით, სტიქიურ უბედურებას სულ მცირე 2 ადამიანი ემსხვერპლა, 20-ზე მეტი კი დაკარგულად ითვლება. სამაშველო სამუშაოებში ასობით პოლიციელი და მეხანძრეა ჩართული.

მეწყრის შედეგად განადგურებულია რამდენიმე სახლი. ელექტროენერგია გაეთიშა 2 800 ოჯახს. ქალაქმა დახმარებისთვის ცენტრალურ ხელისუფლებას მიმართა.

ამჟამად იაპონიის დიდ ნაწილში წლის წვიმიანი სეზონია, რაც რამდენიმე კვირა გრძელდება და ხშირად წყალდიდობებსა და მეწყერებს იწვევს. ადგილობრივმა მმართველებმა ევაკუაციის განკარგულებების გამოსცეს.