სამხედრო თვითმფრინავის კატასტროფა ფილიპინებში - მაშველებმა 31 ცხედარი იპოვეს

ფილიპინებში, სამხედრო თვითმფრინავის კატასტროფის ადგილზე, მაშველებმა 29 სამხედროს და ორი სამოქალაქო პირის ცხედარი აღმოაჩინეს.

ადგილობრივი მედიის ინფორმაციით, სხვადასხვა სახის ტრავმები მიიღო 50-მა სამხედრომ და ოთხმა სამოქალაქო პირმა, რომლებიც "С-130“-ში ისხდნენ.

"ჩვენ ჯერ კიდევ ვიმედოვნებთ, რომ შევძლებთ მეტი გადარჩენილის პოვნას“ , - განაცხადა გაერთიანებული ოპერატიული ჯგუფის „სულუს“ მეთაურმა გენერალ-მაიორმა უილიამ გონსალესმა.

მისი თქმით, სამძებრო-სამაშველო ოპერაცია ჯერ კიდევ გრძელდება. 17 ადამიანი დაკარგულად მიიჩნევა.

მანვე აღნიშნა, რომ რამდენიმე ჯარისკაცი თვითმფრინავიდან კატასტროფამდე გადმოხტა. თვითმფრინავი სახელად C130 Hercules კუნძულ ხოლოზე აპირებდა დაჯდომას. ბორტზე 80-ზე მეტი ადამიანი იმყოფებოდა.