პარლამენტთან "თბილისი პრაიდის“ საწინააღმდეგო აქციაზე "რიონის ხეობის მცველები" მივიდნენ - რას ამბობს ვარლამ გოლეთიანი ძალადობის ფაქტებზე

პარლამენტთან მიმდინარე აქციაზე "რიონის ხეობის“ მცველები მივიდნენ. როგორც "რიონის ხეობის“ წევრმა, ვარლამ გოლეთიანმა განაცხადა, ისინი თბილისში ჩამოვიდნენ როგორც ეკლესიის მრევლი, იმისთვის, რომ მშვიდობიანად გააპროტესტონ მიმდინარე მოვლენები.

გოლეთიანის განმარტებით, ნებისმერი ადამიანის მიმართ მიუღებელია ძალადობა. იქნება ეს ლგბტ პირი თუ ჟურნალისტი. მისივე თქმით, ისინი ლგბტ პროპაგანდას მხარს არ უჭერენ. თბილისში კი საპატრიარქოს მოწოდებით იმყოფებიან.

"ნებისმიერი ტიპის ძალადობა ლგბტ ადამიანების თუ ჟურნალისტების მიმართ მიუღებელია ნებისმიერი ნორმალური ადამიანისთვის და ჩვენ ამას ვემიჯნებით. "პრაიდის" იდეას როგორც არასწორ ფორმას და პროპაგანდას გარკვეული ცხოვრების წესისა, ამას ვეწინააღმდეგებით", - განაცხადა გოლეთიანმა.