გორში ე.წ. ქურდულ სამყაროსთან კავშირის ბრალდებით 5 პირი დააკავეს - რას აცხადებს ადვოკატი

არსებული ინფორმაციით, სამართალდამცავებმა გორში ე.წ. ქურდულ სამყაროსთან კავშირის ბრალდებით რამდენიმე პირი დააკავეს.

როგორც ადგილობრივები აცხადებენ, სპეცოპერაცია რამდენიმე საათის წინ ჩატარდა.

გავრცელებული ცნობით, დაკავებულია 5 ადამიანი, რომელთა აყვანაც სახლებში მოხდა.

შინაგან საქმეთა სამინისტრო სპეცოპერაციასთან დაკავშირებით კომენტარს ჯერჯერობით არ აკეთებს.

დაკავებულების ადვოკატის, ნინო შავშიშვილის განცხადებით, ბრალდებულები ე.წ. ქურდული სამყაროს წევრობას უარყოფენ და ბრალდებას არ ეთანხმებიან.

შავშვიშვილის განცხადებით, მისი დაცვის ქვეშ მყოფი პირების დაკავება რუსთავის სასამართლოს განჩინების საფუძველზე მოხდა და გამოძიება საქართველოს სისხლის სამართლის კოდექსის 223-ე პრიმა მუხლით მიმდინარეობს, რაც „ქურდული სამყაროს“ წევრობას გულისხმობს.