მარიკა თხელიძისა და გიორგი მანველიძის ქორწილი ბათუმში - როგორი წვეულება გამართა წყვილმა მეგობრების გარემოცვაში (ფოტოები, ვიდეო)
მარიკა თხელიძისა და გიორგი მანველიძის ქორწილი გუშინ ბათუმში გაიმართა. მომღერალი საყვარელი ადამიანის გამო ჯერ კიდევ მარტში გადავიდა აჭარაში, რადგან მისი რჩეული აჭარის ავტონომიური რესპუბლიკის უმაღლესი საბჭოს წევრია.
ambebi.ge-სთან ინტერვიუში ახალდაქორწინებული მარიკა თხელიძე ამბობდა, რომ პანდემია თუ მისცემდა საშუალებას, ქორწილს აუცილებლად გადაიხდიდნენ. ქორწილის კადრებს სოციალურ ქსელში მომღერლის უახლოესი მეგობრები ავრცელებენ.
ქორწილს დაესწრო მეუღლესთან ერთად ნინი ქარსელაძე, რომელსაც შავი ელეგანტური კაბა ეცვა და მეგობრის ქორწილში სიმღერებიც შეასრულა.
ასევე, თბილისიდან შავი ზღვისპირეთში ჩავიდნენ თიკა ჯამბურია, ანსამბლი "შვიდკაცა" და მომღერალი დათუნა სირბილაძე. მარიკასა და გიორგის ერთმანეთი საერთო მეგობარმა, ნინი ქარსელაძემ გააცნო.
სიმპათია პირველივე შეხვედრაზე გაჩნდა, თუმცა დამეგობრდნენ. მოგვიანებით ბათუმში დასასვენებლად ჩასული მარიკა მალე მიხვდა, რომ მეგობრობა სიყვარულში გადაიზარდა და სულ სხვა თვალით შეხედა მომავალ ქმარს.
მარიკა თხელიძეს პირველი ქორწინებიდან 4 წლის ნიკოლოზი ჰყავს. პირველ ქორწინებაში იყო გიორგი მანველიძეც. როგორც მის დეკლარაციაში ვკითხულობთ, პოლიტიკოსის მეუღლე ხატია კომახიძე გახლდათ. წყვილს ორი საერთო შვილი ჰყავს, 13 წლის რეზო და 8 წლის ბარბარე მანველიძეები.
"მაწუხებს ბუბას ამბავი... ვაითუ, თავს მოგახვიონ რუსეთთან მეგობრობაც“ - კიკაბიძის მილოცვა და შირვინდტის იუმორისტული პასუხი
"აქ სრული განუკითხაობაა, სურსათის მაღაზიებშიც არავის უკეთია პირბადე, მათ შორის გამყიდველებსაც!" - რას წერს ბათუმში მყოფი ეკო ფანგანი?
