პლანეტის ყველაზე მდიდარი სამი ქალი ჩინელია

ყველაზე მდიდარი ქალების რაოდენობის მიხედვით, ჩინეთი მსოფლიოში პირველ ადგილზეა. ამის შესახებ ბრიტანული გაზეთი "ფაინენშალ ტაიმსი" იტყობინება.

ბოლო მონაცემებით, პლანეტის 20 უმდიდრესი ქალბატონიდან 11 - ჩინელია. "მათი კაპიტალის მოცულობის მიხედვით ჩინეთს ვერცერთი ქვეყანა ვერ უსწრებს", - წერს გაზეთი.

სიაში პირველ ადგილზე 53 წლის ჩჟან ინია, მისი ქონება 5,6 მლრდ დოლარს შეადგენს. ის ქაღალდის გადამამუშავებელი კონცერნის ხელმძღვანელია. მეორე ადგილზე რეალტორული ჯგუფის მმართველი უ იაცზუნია, მისი ქონება 4,1 მლრდ დოლარს ითვლის. მსოფლიოს მდიდარ ქალთა პირველ სამეულს კი მსხვილი სამრეწველო კონგლომერატის ხელმძღვანელი ჩენ ლიხუა აგვირგვინებს, რომლის ქონებაც 4 მლრდ დოლარს შეადგენს.

მსოფლიოს პირველ ათეულში შესული ჩინელი ქალბატონების ქონების საერთო მოცულობა 2,6 მლრდ დოლარია.

მომზადებულია ft.com-ის მიხედვით.