"ეს ირანელი ქალის ერთ თმის ღერად არ ღირს. სირცხვილი თქვენ" - ირანელი ფეხბურთელი ქალების უფლებების დაცვის გამო შესაძლოა, ნაკრებიდან გარიცხონ
22 წლის ირანელი გოგონას, მაჰსა ამინის გარდაცვალების შემდეგ, ირანი საპროტესტო აქციების ტალღამ მოიცვა. მაჰსა ამინი ირანის "მორალის პოლიციამ" ჩადრის არასწორად ტარების გამო დააკავა და სასტიკად გაუსწორდა. მიღებული დაზიანებების შედეგად, გოგონა კომაში ჩავარდა და მალევე გარდაიცვალა.
მედიის ცნობით, გოგონა ჯერ ხელკეტით სცემეს, შემდეგ კი ავტომანქანაზე მიარტყმევინეს თავი. თავად პოლიცია ქალზე ძალადობის ფაქტს უარყოფს.
ბუნდესლიგის კლუბ "ლევერკუზენის" და ირანის ეროვნული გუნდის ფეხბურთელი, სარდარ აზმუნი პირველია ირანის ნაკრებიდან, რომელმაც აქციის მონაწილეებისადმი ღია მხარდაჭერა გამოხატა.
აზმუნმა "ინსტაგრამის“ სთორიში თავისი ბრაზი გამოხატა და თქვა, რომ ხმის ამოუღებლად ვეღარ შეძლებდა ყოფნას იმის მიუხედავად, რომ მოთამაშეებს მსგავსი პოსტების გამოქვეყნებას უკრძალავენ.
"ხმის ამოღებისთვის ყველაზე მკაცრი სასჯელი ეროვნული ნაკრებიდან ჩემი გარიცხვა იქნება, მაგრამ ეს ირანელი ქალის ერთ თმის ღერადაც არ ღირს. სირცხვილი თქვენ, რომ ასე ადვილად ხოცავთ ადამიანებს. გაუმარჯოს ირანელ ქალებს", - წერს ფეხბურთელი.
<blockquote class="twitter-tweet"><p lang="en" dir="ltr">Tehran, tonight. <br>Despite huge crackdown, Iranian women & men got back to the streets again to chant against the whole regime. No one asking for reform. Islamic Republican and Taliban cannot be reformed. <a href="https://twitter.com/hashtag/MahsaAmini?src=hash&ref_src=twsrc%5Etfw">#MahsaAmini</a> is becoming a symbol for <a href="https://twitter.com/hashtag/IranRevolution?src=hash&ref_src=twsrc%5Etfw">#IranRevolution</a><a href="https://twitter.com/hashtag/%D9%85%D9%87%D8%B3%D8%A7_%D8%A7%D9%85%DB%8C%D9%86%DB%8C?src=hash&ref_src=twsrc%5Etfw">#مهسا_امینی</a> <a href="https://t.co/Tx5d8RQrdT">pic.twitter.com/Tx5d8RQrdT</a></p>— Masih Alinejad 🏳️ (@AlinejadMasih) <a href="https://twitter.com/AlinejadMasih/status/1574127535473930240?ref_src=twsrc%5Etfw">September 25, 2022</a></blockquote> <script async src="https://platform.twitter.com/widgets.js" charset="utf-8"></script>აზმუნის პოსტს სოციალურ ქსელებში დადებითი გამოხმაურება მოჰყვა და ფეხბურთელი გამოჩენილი სიმამაცის გამო შეაქეს: “საოცარი სიმამაცეა ღიად დაუდგე ქალებს გვერდით იმ ქვეყანაში, სადაც მათ თანასწორებად არ მიიჩნევენ",- წერენ ფეხბურთელის გულშემატკივრები.
- ნახეთ ასევე:
- ქალები ჩადრის გარეშე და თავისუფლება - ფოტოები, რომლებიც ასახავს, როგორ იცვამდნენ ირანელი ქალები ისლამურ რევოლუციამდე
- ირანელი ქალები ჰიჯაბს წვავენ და თავისუფლებას მოითხოვენ - საპროტესტო აქციების ტალღა, დაპირისპირება და არეულობა, რომელიც 22 წლის გოგონას სიკვდილს მოჰყვა
მოამზადა: ანა სიბოშვილმა